पुणे येथे महिलेच्या विनयभंगाच्या प्रकरणी शाळेच्या प्रशासकावर गुन्हा नोंद !

पुणे – शाळेतील महिलेला अश्लील शेरेबाजी करणे, तिला मिठी मारून तिच्याकडे शारीरिक सुखाची मागणी करून विनयभंग करण्याची धक्कादायक घटना एन्. पेटिट टेक्निकल हायस्कूल परिसर आणि शिक्रापूर येथील शिवतारा पर्यटनस्थळ येथे ५ सप्टेंबर २०२३ ते ९ जुलै २०२४ या कालावधीत घडली. या प्रकरणी एका महिलेने कोरेगाव पार्क पोलीस ठाण्यात तक्रार प्रविष्ट केल्यानंतर शाळेचा प्रशासक प्रशांत पुष्टी याच्यावर गुन्हा नोंद करण्यात आला आहे.

पीडित महिलेचा आरोपी विनयभंग करत होता, तसेच याविषयी कुणाला सांगितले, तर नोकरीवरून काढण्याची धमकी देत होता, असे तक्रारीमध्ये नमूद करण्यात आले आहे.