Pakistani Fishing Boat Seized : भारतीय तटरक्षक दलाने अरबी समुद्रात पाकिस्तानी नौका केली जप्त : ९ पाकिस्तानी अटकेत

पोरबंदर (गुजरात) : भारतीय तटरक्षक दलाने १४ जानेवारीला रात्री अरबी समुद्रात आंतरराष्ट्रीय सागरी सीमारेषेजवळ भारतीय जलक्षेत्रात प्रवेश केलेली पाकिस्तानी मासेमारी नौका ‘अल मदीना’चा पाठलाग करून कह्यात घेतली. नौकेवरील खलाशांचा अंधाराचा आधार घेऊन पळून जाण्याचा प्रयत्न अयशस्वी ठरला. या नौकेवर एकूण ९ पाकिस्तानी नागरिक होते. सर्वांना अटक करण्यात आली आहे. पोरबंदर येथे सुरक्षा आणि गुप्तचर यंत्रणा नौकेची सविस्तर तपासणी करणार आहेत.