Sabarimala Gold Theft Row : सबरीमला मंदिराच्या मुख्य पुजार्‍याला अटक !

शबरीमला (केरळ) मंदिरातील सोने चोरीला गेल्याचे प्रकरण

थिरूवनंतपूरम् (केरळ) : शबरीमाला मंदिरातील सोने चोरीला गेल्याच्या प्रकरणी राज्य सरकारच्या विशेष अन्वेषण पथकाने ९ जानेवारीला मुख्य पुजारी कंडारारू राजीवारू यांना कह्यात घेतले होते. आता त्यांना अटक करण्यात आली आहे. ‘या प्रकरणातील मुख्य आरोपी उन्नीकृष्णन् पोट्टी यांच्याशी राजीवारू यांचे जवळचे संबंध होते’, असे अन्वेषण अधिकार्‍यांनी सांगितले.

अन्वेषणात असे समोर आले की,

भगवान अयप्पा मंदिरात द्वारपालक मूर्ती आणि श्रीकोविलचे सुवर्णपात्र यांच्या संशयास्पद खरेदीच्या शिफारसीतही राजीवारू यांची भूमिका होती. या प्रकरणातील ही ११ वी अटक आहे.

हे वाचा → Sabarimala Chief Priest Arrested : शबरीमला मंदिरातील सोन्याच्या चोरीच्या प्रकरणी मुख्य पुजारी पोलिसांच्या कह्यात

अंमलबजावणी संचालनालयाने पैशांच्या अफरातफर प्रकरणी नोंदवला गुन्हा !

या प्रकरणाचे अन्वेषण अंमलबजावणी संचालनालयाकडूनही स्वतंत्रपणे केले जात आहे. त्याने या प्रकरणी पैशांच्या अफरातफरीच्या संदर्भातील कलमे लावत गुन्हा नोंदवला आहे. केरळ उच्च न्यायालयाने डिसेंबरमध्ये विशेष अन्वेषण पथकाचा आक्षेप फेटाळत संचालनालयाला स्वतंत्र अन्वेषण करण्याची अनुमती दिली होती.