Sabarimala Chief Priest Arrested : शबरीमला मंदिरातील सोन्याच्या चोरीच्या प्रकरणी मुख्य पुजारी पोलिसांच्या कह्यात

थिरूवनंतपूरम् (केरळ) – केरळमधील शबरीमला मंदिरातील सोन्याच्या चोरी प्रकरणी विशेष अन्वेषण पथकाने मंदिराचे मुख्य पुजारी कंडारारू राजीवारू यांना चौकशीसाठी कह्यात घेतले आहे. चोरीच्या घटनेमध्ये मंदिरातील अंतर्गत व्यक्तींचा संबंध असू शकतो, अशी माहिती समोर आल्यानंतर राजीवारू यांना चौकशीसाठी कह्यात घेण्यात आले आहे.

कंडारारू राजीवारू हे मंदिरातील वरिष्ठ धार्मिक अधिकारी असून पूजेचे साहित्य आणि दागिन्यांपर्यंत त्यांचा थेट संबंध येतो. या चोरीच्या प्रकरणात त्यांची मुख्य भूमिका असू शकते, असा पथकाला संशय आहे.