Shankaracharya Avimukteshwarananda : बिहार विधानसभा निवडणुकीत २४३ जागांवर उमेदवार उभे करणार !

पाटलीपुत्र (बिहार) : ज्योतिष पीठाचे शंकराचार्य स्वामी अविमुक्तेश्वरानंद सरस्वती यांनी बिहार विधानसभा निवडणुकीत २४३ जागांवर उमेदवार उभे करणार असल्याची घोषणा केली आहे. या अनुषंगाने ते लवकरच बिहारमध्ये ‘गोरक्षा संकल्प यात्रा’ चालू करणार आहेत. शंकराचार्य स्वामी अविमुक्तेश्वरानंद सरस्वती यांनी सांगितले की, ते बिहार विधानसभा निवडणुकीत गोहत्येविरुद्ध काम करण्यासाठी वचनबद्ध असलेल्या अपक्ष उमेदवारांनाही पाठिंबा देतील.

🚨 Shankaracharya Avimukteshwaranand Saraswati’s big announcement:

Will field candidates in all 243 Bihar Assembly seats

Launching a Goraksha Sankalp Yatra soon

Support for independents opposing cow slaughter

🗣️ “For 7 decades no party acted on cow slaughter. We’ll vote only… pic.twitter.com/9uedZfBPcm

— Sanatan Prabhat (@SanatanPrabhat) September 14, 2025

शंकराचार्य स्वामी अविमुक्तेश्वरानंद सरस्वती पुढे म्हणाले की,

१. ७ दशके आणि अनेक आश्वासनांनंतरही कोणताही पक्ष गोहत्येविरुद्ध कारवाई करण्याचे वचन देत नाही. बिहार निवडणुकीत आम्ही गोरक्षण आणि सनातन धर्म यांसाठी मतदान करणार आहोत.

२. बिहार विधानसभा निवडणुकीत आम्ही अपक्ष उमेदवारांना पाठिंबा देऊ, तसेच निवडणुकीत २४३ जागांवर उमेदवार उभे करू; पण त्यांची नावे आम्ही आताच उघड करणार नाही. आम्ही प्रत्येक मतदारसंघात किमान एक उमेदवार उभा करू, जो गोरक्षणासाठी समर्पित असेल.

३. आम्ही मतदारांना आता अशा उमेदवारांना मतदान करण्याचे आवाहन करू, जे गोहत्या पाप मानतात आणि या देशातील हिंदूंच्या व्यापक भावनांशी सुसंगत राहून त्यांच्या संरक्षणासाठी काम करतात.