अनेक नागरिक घायाळ, ९ जणांची प्रकृती चिंताजनक !
सांगली, २२ नोव्‍हेंबर (वार्ता.) – जिल्‍ह्यातील कडेगाव तालुक्‍यातील शाळगाव बोंबाळेवाडी येथील औद्योगिक वसाहतमधील (एम्.आय.डी.सी.) म्‍यानमार केमिकल आस्‍थापनातून मोठ्या प्रमाणावर विषारी वायूगळती झाल्‍याने २ महिलांचा मृत्‍यू झाला असून अनेक जण गंभीर घायाळ झाले आहेत. घायाळ झालेल्‍या १० जणांना रुग्‍णालयात भरती करण्‍यात आले आहे. ९ नागरिकांची प्रकृती चिंताजनक आहे. प्रशासनाने घटनास्‍थळी तात्‍काळ धाव घेत वायूगळती थांबवली आहे.
१. बोंबाळेवाडी औद्योगिक वसाहतीमध्‍ये म्‍यानमार हे रासायनिक खते सिद्ध करणारे आस्‍थापन आहे. २१ नोव्‍हेंबरच्‍या सायंकाळी गळतीमुळे विषारी वायू औद्योगिक वसाहतीचा परिसर आणि शेजारच्‍या वस्‍तीवर पसरला.
२. कामगारांना श्‍वास घेतांना अडचण, डोळ्‍यांत जळजळ आणि उलट्या होऊन गंभीर त्रास होऊ लागला. गळतीमुळे आस्‍थापतील कर्मचार्‍यांसमवेतच परिसरातील नागरिकांनाही त्रास होऊ लागला. परिसरातील लोकांत घबराट पसरली आणि लोक जीव मुठीत घेऊन धावू लागले.
३. घटनेची माहिती मिळताच माजी आमदार पृथ्‍वीराज देशमुख, कडेगावचे तहसीलदार अजित शेलार आणि पोलीस निरीक्षक संग्राम शेवाळे यांनी घटनास्‍थळाची पहाणी केली.
४. त्‍यानंतर संबंधित अधिकार्‍यांना सूचना देण्‍यात आल्‍या. गळती झालेला वायू कोणता होता ? याविषयी माहिती मिळू शकली नाही. या संदर्भात तज्ञांच्‍या साहाय्‍याने अन्‍वेषण चालू करण्‍यात आले आहे.
५. वायूगळतीमुळे बोंबाळेवाडी, रायगाव आणि शाळगाव परिसरांतील नागरिकांना त्रास झाल्‍याचे समजते. नागरिकांनी दक्षतेचा उपाय म्‍हणून ‘मास्‍क’चा वापर केला.
महाराष्ट्रात २८८ पैकी केवळ ६ मतदारसंघांत ८० टक्क्यांहून अधिक मतदान !
महाराष्ट्रात ६ कोटी ४० लाख ८८ सहस्र जणांनी केले मतदान !
दैनिक ‘सनातन प्रभात’ ने लगेच वस्तुस्थिती समाज समोर आणली ! – रावसाहेब देसाई, राष्ट्राध्यक्ष, श्री शिवप्रतिष्ठान हिंदुस्थान
प.पू. भक्तराज महाराज यांच्या निर्वाण दिनाच्या निमित्ताने कांदळी (जिल्‍हा पुणे) येथील आश्रमात विशेष कार्यक्रम 
हुतात्मा दिनानिमित्त मुख्यमंत्र्यांकडून हुतात्म्यांना आदरांजली !
मतदार केंद्रांच्या संख्येत वाढ करणे आदी उपाययोजना केल्यामुळे मतदानाच्या टक्केवारीत वाढ ! – एस्. चोक्कलिंगम्, मुख्य निवडणूक अधिकारी