बंगालमध्ये भाजपच्या नेत्याची गोळ्या झाडून हत्या

दक्षिण २४ परगणा (बंगाल) – येथील भाजपच्या मथुरापूर शाखेचे सामाजिक माध्यम संयोजक पृथ्वीराज नास्कर यांची गोळ्या झाडून हत्या करण्यात आली. त्यांचा मृतदेह पक्षाच्या कार्यालयात सापडला. नास्कर ५ नोव्हेंबरपासून बेपत्ता होते. कुटुंबियांनी त्यांना शोधण्याचा प्रयत्न केला; पण ते सापडले नाहीत. यानंतर त्यांचा मृतदेह कार्यालयात सापडला. पृथ्वीराज नास्कर यांचा मृतदेह सापडल्यानंतर त्यांचे पंतप्रधान मोदी यांची भेट घेतल्याचे एक जुने छायाचित्रही प्रसारित झाले आहे.