मुंबई-पुणे द्रुतगती महामार्गावर ट्रक आणि खासगी बस यांचा भीषण अपघात !

मुंबई – खोपोली हद्दीत मुंबई-पुणे द्रुतगती महामार्गावर बोरघाट उतरतांना झालेल्या नवीन बोगद्यात ट्रक आणि खासगी बस यांचा भीषण अपघात झाला. या वेळी बसमध्ये एकूण ३८ प्रवासी होते. ट्रकच्या चाकातील हवा अल्प झाल्याने ट्रक रस्त्याच्या बाजूला तिसर्‍या लेनवर उभा होता. मागून येणार्‍या खासगी बसने ट्रकला जोरदार धडक दिली. त्यामुळे अपघात झाला. बसवरील चालकाचे नियंत्रण सुटल्याने बस ट्रकला जाऊन धडकली. यात ८ प्रवासी गंभीर घायाळ झाले असून १८ प्रवासी किरकोळ घायाळ झाले आहेत. सर्वांना रुग्णालयात भरती करण्यात आले आहे.