Adam Britton : अ‍ॅडम ब्रिटन नावाच्‍या ‘मनुष्‍यप्राण्‍या’चे कृत्‍य : ४० श्‍वानांवर बलात्‍कार करून हत्‍या !

न्‍यायालयाने ठोठावली २४९ वर्षांची शिक्षा !

डार्विन (ऑस्‍ट्रेलिया) – येथे ४० श्‍वानांवर बलात्‍कार करून त्‍यांची हत्‍या केल्‍याच्‍या प्रकरणी अ‍ॅडम ब्रिटन नावाच्‍या ‘मनुष्‍यप्राण्‍या’ला न्‍यायालयाने २४९ वर्षांची अत्‍यंत कठोर शिक्षा ठोठावली. ब्रिटन याच्‍याविरुद्ध प्राण्‍यांवरील अत्‍याचारांच्‍या प्रकरणी एकूण ६० गुन्‍हे नोंद आहेत. यामध्‍ये ४२ श्‍वानांचा छळ केल्‍याचाही ठपका त्‍याच्‍यावर ठेवण्‍यात आला आहे. मागच्‍या वर्षी ६० प्रकरणांत त्‍याच्‍यावरील दोषारोप सिद्ध झाले होते. या नराधमाने स्‍वतःच्‍या या किळसवाण्‍या कृत्‍याचे व्‍हिहिओही बनवले होते. या प्रकरणी ऑस्‍ट्रेलियातील सर्वोच्‍च न्‍यायालयाचे न्‍यायाधीश मायकल ग्रँट यांनी निकाल दिला.

British Zoologist Adam Britton’s bestial act : Rapes and kills 40 dogs

Court hands down 249 year sentence

In the past many incidents of rape of cows by religious fanatics, and now rape of dogs by a Christian Adam Britton have come to light.

Contrary to this, in Hindu Dharma,… pic.twitter.com/PJOF0kM5S6

— Sanatan Prabhat (@SanatanPrabhat) July 15, 2024

अ‍ॅडम ब्रिटन याच्‍या मानसिक स्‍थितीचा केला जात आहे अभ्‍यास !

प्राण्‍यांकडे लैंगिकदृष्‍ट्या आकर्षित होणार्‍या मानवी प्रवृत्तीसाठी ‘झूफिलिया’ हा शब्‍द, तर प्राण्‍यांवर होणार्‍या बळजोरीकरता ‘बेस्‍टीयालिटी’ हा शब्‍द वापरला जातो. आज बहुतेक देशांमध्‍ये प्राण्‍यांशी लैंगिक संबंध असलेली पोर्नोग्राफी दाखवणे अवैध आहे. अनेक देशांत प्राणी आणि मानव यांच्‍यातील लैंगिक संबंधांच्‍या विरोधात अनेक कायदे आहेत. तथापि ज्‍या देशांमध्‍ये ‘झुफिलिया’ या प्रकारावर बंदी नाही, अशा ठिकाणी अशा किळसवाण्‍या कृत्‍याचे चित्रण केले जाते आणि जगभरात त्‍याचे वितरण होते. अ‍ॅडम ब्रिटन याच्‍यावर बेस्‍टीयालिटी प्रकरणीही गुन्‍हे नोंद असून त्‍याच्‍या मानसिक स्‍थितीचा अभ्‍यास केला जात आहे.