बेंगळुरू (कर्नाटक) येथे मुसलमान तरुणीशी बोलणार्‍या हिंदु तरुणाला मुसलमानांकडून मारहाण !

बेंगळुरू (कर्नाटक) – बेंगळुरूमध्ये एका मुसलमान मुलीशी बोलणार्‍या एका हिंदु तरुणाच्या छळाचे प्रकरण समोर आले आहे. प्रसारमाध्यमांनी दिलेल्या वृत्तानुसार ९ एप्रिल या दिवशी बेंगळुरूच्या चंद्रा लेआउट परिसरातील एका उद्यानामध्ये बुरखा घातलेली तरुणी एका हिंदु तरुणासोबत दुचाकीवर बसून बोलत होती. दोघांना एकत्र बसून बोलत असल्याचे पाहून मुसलमान तरुणांचा एक गट त्यांच्याकडे आला आणि त्यांना प्रश्न विचारू लागला. त्यांनी हिंदु तरुणाला धमकावले. त्यांनी त्याला विचारले, ‘तुला लाज वाटत नाही का? तू  दुसर्‍या धर्माच्या तरुणीसोबत का बसला आहेस ?’

१. यानंतर त्या गुंड मुसलमान तरुणांनी त्या हिंदु मुलाला काठ्यांनी मारहाण केली. याविषयीचा व्हिडिओ प्रसारित होताच पोलिसांनी कारवाई करत ५ मुसलमान गुंडांना अटक केली.

२. या घटनेवर प्रतिक्रिया व्यक्त करतांना काँग्रेसचे अध्यक्ष मल्लिकार्जुन खर्गे यांचे पुत्र आणि कर्नाटक सरकारमधील सामाजिक न्याय आणि सक्षमीकरण मंत्री प्रियांक खर्गे यांनी टीका केली आहे. ‘कोणत्याही परिस्थितीत नैतिककेच्या ठेकेदारांचा कारवाया सहन केल्या जाणार नाहीत. हे उत्तरप्रदेश, बिहार किंवा मध्यप्रदेश नाही. कर्नाटक हे एक प्रगतीशील राज्य आहे.’ (भाजपच्या राज्यांमध्ये लव्ह जिहाद्यांवर कारवाई केली जाते, ती खर्गे यांना पहावत नाही का ? हिंदूंच्या प्रत्येक समस्येच्या प्रकरणात राजकारण करणार्‍या काँग्रेसवाल्यांना हिंदूंनी त्यांची जागा दाखवून देणे आवश्यक ! – संपादक)