(म्हणे) ‘भारताने काश्मीरमधून कलम ३७० हटवणे संयुक्त राष्ट्रांच्या प्रस्तावाच्या विरोधात !’ – जनरल मुनीर, पाकचे सैन्यदलप्रमुख

इस्लामाबाद (पाकिस्तान) – पाकिस्तानचे सैन्यदलप्रमुख जनरल आसिम मुनीर हे अमेरिकी दौर्‍यावर असून त्यांनी नुकतीच संयुक्त राष्ट्रांचे महासचिव जनरल एंटोनियो गुटेरेस यांची भेट घेतली. या वेळी त्यांनी काश्मीरचे सूत्र उपस्थित करून म्हटले की, दक्षिण आशियात शांती तेव्हाच स्थापित होईल, जेव्हा काश्मीर वादावर तेथील लोकांची मते आणि संयुक्त राष्ट्र सुरक्षा परिषदेचा प्रस्ताव यांच्या आधारावर उपाय काढला जाईल.

सौजन्य आज टीव्ही ऑफीशियल 

जनरल मुनीर यांनी गुटेरेस यांच्याशी बोलतांना भारताने काश्मीरला विशेषाधिकार देणारे कलम ३७० हटवल्यावरूनही विरोध दर्शवला. भारताचा हा निर्णय एकतर्फी आणि संयुक्त राष्ट्रांच्या प्रस्तावांच्या विरोधात होता, असे ते म्हणाले. याआधी जनरल मुनीर यांनी अमेरिकी परराष्ट्रमंत्री अँटनी ब्लिंकन आणि संरक्षणमंत्री लॉयड ऑस्टिन यांचीही भेट घेतली. या वेळीही त्यांनी काश्मीरचे सूत्र उपस्थित केले होते.

जनरल मुनीर यांनी पॅलेस्टाईनवर होत असलेल्या आक्रमणावरही चिंता व्यक्त केली असून लवकरात लवकर युद्धबंदी घोषित करण्याची मागणीही केली.