महाराष्ट्र शासनाचा गोशाळा चालवण्‍याचा उपक्रम !
मुंबई – आतापर्यंत देशी गोवंशियांच्‍या संवर्धनासाठी राज्‍यशासनाकडून अनुदान दिले जात होते; मात्र या राज्‍यशासनाने देशी गोवंशियांचे जतन आणि संवर्धन करण्‍यासाठी गोशाळा चालवण्‍याचा निर्णय घेतला आहे. यासाठी अंबेजोगाई (बीड जिल्‍हा) तालुक्‍यातील मौजे साकुड येथील ८१ हेक्‍टर भूमी पशूधन विकास मंडळाला देण्‍याचा निर्णय राज्‍यशासनाने घेतला आहे. या ठिकाणी लालकंधारी आणि देवणी या गोवंश प्रजातीचे जतन आणि संवर्धन करण्‍यात येणार आहे.
मुख्‍यमंत्री एकनाथ शिंदे यांच्‍या अध्‍यक्षतेखाली झालेल्‍या मंत्रीमंडळाच्‍या बैठकीत हा निर्णय घेण्‍यात आला. या गोशाळेसाठी १३ नियमित पदे आणि ३७ पदे कंत्राटीपद्धतीने भरण्‍याचा निर्णय राज्‍यशासनाने घेतला आहे. पशूधनासाठी चारा, पशूखाद्य, औषधे, तसेच वीज, पाणी यासाठी प्रतिवर्षी गोशाळेला शासनाकडून ६ कोटी रुपये इतका निधी देण्‍यात येणार आहे.
लालकंधारी आणि देवणी हे देशी गोवंशियांचे मूळ जन्‍मस्‍थान मराठवाडा हेच आहे. मराठवाडामधील लातूर, बीड, धाराशिव, परभणी, छत्रपती संभाजीनगर या जिल्‍ह्यांत या गोवंशियांचे अस्‍तित्‍व आहे. या वंशाच्‍या गायी दूध देण्‍यास, तर बैल शेतीकामासाठी अतिशय उपयुक्‍त आहेत. वर्ष २०१३ मध्‍ये कंधारी गायींची संख्‍या १ लाख २६ सहस्र ६०९ होती. वर्ष २०२० मध्‍ये १ लाख २३ सहस्र ९४३ इतकी अल्‍प झाली आहे. वर्ष २०१३ मध्‍ये देवणी गायींची संख्‍या ४ लाख ५६ सहस्र ७६८ इतकी होती, ती वर्ष २०२० मध्‍ये १ लाख ४९ सहस्र १५९ इतकी अल्‍प झाली आहे. या प्रजातीचे महत्त्व लक्षात घेऊन महाराष्ट्र शासनाने यांचे जतन आणि संवर्धन करण्‍याचा निर्णय घेतला आहे.
पुणे येथे भविष्य निर्वाह निधीमध्ये ९ कोटी रुपयांचा अपहार !
मतदान करतांना कोणत्याही आमिषाला बळी पडू नका ! – ह.भ.प. अक्षयमहाराज भोसले
नृत्यसाधकांनी विज्ञानाची कास धरत कलासाधनेतील नवीन आयाम शोधावेत ! – डॉ. विजय भटकर, ज्येष्ठ संगणकतज्ञ
आनंद देता येत नसल्यास कुणालाही दुःख देऊ नये ! – आचार्य श्रीगुरु डॉ. सुनीलदादा लुले
‘भाजप काम करो अथवा ना करो आम्ही प्रामाणिकपणे लोकसभेसाठी भाजपचे काम करणार !’ – गुलाबराव पाटील
मतदान प्रक्रियेसाठी प्रशासन सज्ज ! – जिल्हाधिकारी