निर्णयाचे गणेशोत्‍सव मंडळांकडून स्‍वागत !
नाशिक – सार्वजनिक गणेशोत्‍सवात महानगरपालिकेच्‍या जागेवर मंडप, व्‍यासपीठ आणि कमानी यांसाठी शहरातील १ सहस्र २०० गणेशोत्‍सव मंडळांना ७५० रुपयांची शुल्‍क माफी देण्‍याचा प्रस्‍ताव येथील महापालिकेच्‍या महासभेत संमत झाला असून तसे आदेश आयुक्‍त तथा प्रशासक डॉ. अशोक करंजकर यांनी दिले आहेत; मात्र वाणिज्‍य स्‍वरूपाचे विज्ञापन घेणार्‍या मंडळांना विज्ञापनशुल्‍क भरणे अनिवार्य केले आहे.
सार्वजनिक गणेशोत्‍सवानिमित्त आयोजित बैठकीत ‘आरास मंडप व्‍यासपिठाच्‍या अनुमतीसाठी लागणारे शुल्‍क माफ करण्‍यात यावे’, अशी मागणी गणेशोत्‍सव मंडळांनी केली होती. त्‍या अनुषंगाने हा विषय महासभेच्‍या पटलावर ठेवण्‍यात आला होता. मंडप शुल्‍काचा प्रश्‍न मिटल्‍याने वीजमीटर घेण्‍याचा प्रश्‍नही सुटण्‍यास साहाय्‍य होणार असून महापालिकेच्‍या या निर्णयाचे गणेशोत्‍सव मंडळांनी उत्‍साहात स्‍वागत केले आहे.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !