चिपळूण, २० ऑगस्‍ट (वार्ता.) – ज्‍या शाळेच्‍या माध्‍यमातून मी ज्ञानार्जन केले. शाळेतील शिक्षणामुळे माझ्‍यावर चांगले संस्‍कार झाले. समाजात मी स्‍वाभीमानाने जगू शकलो. त्‍या शाळेच्‍या ऋणातून उतराई होण्‍यासाठी मी अल्‍पसा प्रयत्न केला आहे. हा तर माझ्‍या गुरुजनांप्रती आणि शाळेप्रती कृतज्ञता व्‍यक्‍त करण्‍याचा अल्‍पसा प्रयत्न आहे, असे प्रतिपादन चिपळूण येथील ‘जनता माध्‍यमिक विद्यालया’चे माजी विद्यार्थी आणि सनातनचे साधक श्री. शशिकांत केळकर यांनी केले.
कोकरे येथील ‘जनता शिक्षण प्रसारक मंडळा’च्‍या ‘जनता माध्‍यमिक विद्यालया’च्‍या वतीने १५ ऑगस्‍टनिमित्त ध्‍वजारोहणाचा कार्यक्रम पार पडला. या वेळी शिक्षण संस्‍थेचे अध्‍यक्ष सुनील दळवी, शाळेचे माजी विद्यार्थी आणि सनातनचे साधक शशिकांत अनंत केळकर, नुकतेच सनदी लेखापाल (चार्टर्ड अकाऊंटंट) परीक्षा उत्तीर्ण झालेले माजी विद्यार्थी अविनाश चौधरी उपस्‍थित होते.
शाळेचे माजी विद्यार्थी आणि सनातनचे साधक श्री. शशिकांत केळकर यांनी त्‍यांच्‍या मातोश्री स्‍व. स्नेहलता अनंत केळकर यांच्‍या स्‍मरणार्थ शाळेप्रती कृतज्ञता व्‍यक्‍त करण्‍यासाठी अध्‍यक्ष सुनील दळवी यांच्‍याकडे ५१ सहस्र रुपयांचा धनादेश सुपुर्द केला. याप्रसंगी अध्‍यक्ष सुनील दळवी यांच्‍या हस्‍ते शशिकांत केळकर यांचा शाल, श्रीफळ आणि पुष्‍पगुच्‍छ देऊन सत्‍कार करण्‍यात आला.
गोदान एक्सप्रेसच्या डब्याखालून अचानक धूर निघाल्याने प्रवाशांचा गोंधळ !
पुणे-सोलापूर रस्त्यावर होर्डिंग कोसळले !
पनवेल येथे ‘श्रीकृष्ण चिकित्सालया’चा तृतीय वर्धापनदिन साजरा !
पुणे येथील बांधकाम व्यावसायिक राम नदीत सांडपाणी सोडत असल्याचा ‘आप’चा आरोप !
कोंढवा (पुणे) येथे केलेल्या कारवाईत २३ म्हशी आणि रेडकू यांची सुटका !
सांगली, मिरज आणि कुपवाड महापालिकेच्या पाणीपुरवठा विभागातील ३ कर्मचारी निलंबित, तर १ कर्मचारी कार्यमुक्त !