१. श्री. यशवंत चौधरी, चोपडा
अ. ‘गुरुपौर्णिमेच्‍या दिवशी गुरुपूजनाला बसल्‍यावर सतत गुरुमाऊलीचे स्‍मरण चालू झाले. ‘समोर गुरुमाऊली उपस्‍थित आहे’, असे मला वाटत होते.
आ. माझ्‍याकडून गेले ६ मास ‘श्री गुरुदेव दत्त ।’, हा नामजप आपोआप होत होता. तसेच माझ्‍याकडून नियमित दत्त मंदिरात जाणे होत होते.
इ. गुरुपौर्णिमेचे थेट प्रक्षेपण दाखवण्‍यात आले. तेव्‍हा ‘परात्‍पर गुरु डॉ. आठवले आणि ‘श्री गुरुदेव दत्त’ हे एकच आहेत’, असे सांगितल्‍यावर माझा भाव जागृत झाला. तेव्‍हा ‘गुरुमाऊली माझ्‍याकडून ‘श्री गुरुदेव दत्त ।’ हा नामजप करून घेत होती’, हे माझ्‍या लक्षात आले.’
२. सौ. सुवर्णा साळुंखे (आध्‍यात्मिक पातळी ६३ टक्‍के), जळगाव
अ. ‘गुरुपूजनाला आरंभ झाला, त्या वेळी पुष्‍कळ चैतन्‍य जाणवत होते.’
आ. ‘मी कुठल्‍या तरी वेगळ्‍या वातावरणात आहे’, असे मला जाणवत होते आणि पुष्‍कळ हलके वाटत होते.
इ. ‘समोर प.पू. भक्‍तराज महाराज यांची प्रतिमा नसून तेथे प्रत्‍यक्ष बाबाच (प.पू. भक्‍तराज महाराज) चौरंगावर बसलेले आहेत’, असे मला वाटत होते.
ई. ‘प.पू. भक्‍तराज महाराज यांच्‍या मुखमंडलावरील भाव पालटत आहेत’, असे मला दिसत होते.
उ. चौरंगाजवळच्‍या पाटावर ताम्‍हणात तांदूळ आणि नारळ ठेवलेले होते. तेव्‍हा ‘त्या तांदुळातून चैतन्‍याचे उंच कारंजे मोठ्या प्रमाणात सर्वत्र प्रसरत आहेत’, असे मला दिसत होते आणि माझी भावजागृती होत होती.’
३. सौ. प्रमिला पवार (आध्‍यात्मिक पातळी ६३ टक्‍के), ब्रह्मपूर (मध्‍यप्रदेश)
अ. डोळ्‍यांचे शस्‍त्रकर्म करणे पुढे गेल्‍यामुळे गुरुपौर्णिमेची सेवा आरंभ करणे : ‘माझ्‍या डोळ्‍यांत मोतीबिंदू झाले आहेत. त्‍यामुळे डोळ्‍यांचे शस्‍त्रकर्म करायचे आहे; परंतु मला मधुमेह असल्‍यामुळे २ – ३ वैद्यांचा सल्ला घेतला. त्‍यांनी सांगितले, ‘‘शरिरातील साखरेचे प्रमाण न्‍यून झाल्‍यावर १ मासानंतर शस्‍त्रकर्म करूया.’’ म्‍हणजे शस्‍त्रकर्म गुरुपौर्णिमेनंतर होणार होते. मग मी गुरुपौर्णिमेच्‍या सेवेला आरंभ केला.
आ. ‘गुरुपौर्णिमेच्‍या दिवशी संगणकीय प्रणालीद्वारे दाखवलेला कार्यक्रम उपनेत्र (चष्‍मा) न लावता पहाता आला’, याबद्दल कृतज्ञता वाटणे : गुरुपौर्णिमेच्‍या दिवशी साधकांना संगणकीय प्रणालीद्वारे गुरुपौर्णिमेचा कार्यक्रम बघतांना मी उपनेत्र लावले होते, तरी मला ‘स्‍क्रीन’वरचे काही दिसत नव्‍हते. मी २ – ३ वेळा उपनेत्र पुसले, तरीही दिसत नव्‍हते. उपनेत्र न लावता पाहिले, तरी काही दिसत नव्‍हते. तेव्‍हा प्रार्थना केली आणि उपनेत्र न लावता पाहू लागले, तर गुरुकृपेने मला सर्व ठळकपणे दिसू लागले. ‘पूर्ण कार्यक्रम मी उपनेत्र न लावता पाहू शकले’, याचे मला आश्‍चर्य वाटले आणि गुरुदेवांच्‍या चरणी कोटीशः कृतज्ञता व्‍यक्‍त झाली.’
(सर्व सूत्रांचा दिनांक २५.८.२०२२)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |
सद्गुरु डॉ. मुकुल गाडगीळ यांनी सांगितलेले नामजपादी उपाय करून तीव्र आध्‍यात्मिक त्रासावर मात करणार्या कु. मधुरा चतुर्भुज !
रामनाथी (गोवा) येथील सनातनच्या आश्रमात आल्यावर सेवेच्या माध्यमातून स्वतःत पालट करणारा चेन्नई येथील श्री. हिमनीश बालाजी कोल्ला !
पू. भगवंत मेनरायकाका (वय ८५ वर्षे) यांच्‍या सेवेसाठी गेल्यावर लक्षात आलेली सूत्रे आणि आलेली अनुभूती
रामनाथी, गोवा येथील सनातनच्या आश्रमात ‘साधकत्व वृद्धी’ शिबिरात सहभागी झालेल्या धर्मप्रेमींना आलेल्या अनुभूती
‘सच्चिदानंद परब्रह्म डॉ. आठवले यांचे ‘वयाच्या ८० व्या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती
कर्करोगासारख्या दुर्धर आजाराला स्थिर राहून सामोरे जाणारे देवद, पनवेल येथील कै. प्रभाकर भालचंद्र प्रभुदेसाई !