१. आधुनिक वैद्यांनी सांगितल्‍याप्रमाणे औषधे घेऊन आणि व्‍यायाम करूनही मानेचा त्रास न्‍यून न होणे
‘मला वर्ष २०२२ मध्‍ये एप्रिल मासापासून मानेचा त्रास चालू झाला. मला उजव्‍या बाजूला मान वळवता येत नव्‍हती. मी हा त्रास आधुनिक वैद्यांना दाखवला. त्‍यांनी मला औषधे दिली, तसेच व्‍यायामाचे प्रकार करायला सांगितले. मी हे सर्व करत होते, तरी माझा मानेचा त्रास न्‍यून होत नव्‍हता.
२. गुरुपौर्णिमा विशेषांकातील विज्ञापन संरचना आणि विशेष स्‍मरणिकेची संरचना करण्‍याची सेवा मिळणे; परंतु संगणकावर सेवा करतांना मान वळवता न येणे
याच कालावधीत दोन जिल्‍ह्यांचे गुरुपौर्णिमा विशेषांक निघणार होते. तेव्‍हा मला या गुरुपौर्णिमा विशेषांकातील विज्ञापन संरचना आणि विशेष स्‍मरणिकेची संरचना करण्‍याची सेवा मिळाली होती. मला संगणकावर सेवा करतांना उजव्‍या बाजूला मान वळवता येत नव्‍हती. त्या वेळी ‘माझ्‍या मानेवर सिमेंटचा अवजड खांब (पोल) ठेवला आहे’, असे मला वाटत होते. ‘माझा खांदा ते कान इथपर्यंतचा मानेचा पूर्ण भाग कडक झाला आहे’, असे मला वाटत होते. त्‍यामुळे मला मान हलवता येत नव्‍हती.
३. परात्‍पर गुरु डॉ. आठवले यांच्‍या कृपेमुळे मानेचा त्रास हळूहळू न्‍यून होणे
मी संगणकावर विज्ञापनाची सेवा करत होते. तेव्‍हा मी संगणकाच्‍या उजव्‍या बाजूला परात्‍पर गुरु डॉ. जयंत आठवले यांचे छायाचित्र असलेले दैनिक ‘सनातन प्रभात’ ठेवले होते. मी सेवा करतांना आरंभी त्या छायाचित्राकडे बघण्‍यासाठी मान वळवण्‍याचा प्रयत्न केला. नंतर सेवा करण्‍यासाठी मान वळवण्‍याचा प्रयत्न केला. तेव्‍हा केवळ परात्‍पर गुरुमाऊलींच्‍या कृपेमुळे माझा मानेचा त्रास हळूहळू न्‍यून होत गेला. त्‍यामुळे मला विज्ञापन संरचनेची सेवा करता आली.
‘गुरुमाऊली, तुमच्‍या कृपेमुळे मला ही सेवा करण्‍याची संधी मिळाली आणि तुम्‍हीच ती सेवा माझ्‍याकडून करून घेतलीत, त्‍यासाठी मी तुमच्‍या चरणी कोटीशः कृतज्ञ आहे.’
– कु. अर्चना निखार, वर्धा (१९.११.२०२२)
| येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |
सद्गुरु डॉ. मुकुल गाडगीळ यांनी सांगितलेले नामजपादी उपाय करून तीव्र आध्यात्मिक त्रासावर मात करणार्या कु. मधुरा चतुर्भुज !
रामनाथी (गोवा) येथील सनातनच्या आश्रमात आल्यावर सेवेच्या माध्यमातून स्वतःत पालट करणारा चेन्नई येथील श्री. हिमनीश बालाजी कोल्ला !
पू. भगवंत मेनरायकाका (वय ८५ वर्षे) यांच्‍या सेवेसाठी गेल्यावर लक्षात आलेली सूत्रे आणि आलेली अनुभूती
रामनाथी, गोवा येथील सनातनच्या आश्रमात ‘साधकत्व वृद्धी’ शिबिरात सहभागी झालेल्या धर्मप्रेमींना आलेल्या अनुभूती
‘सच्चिदानंद परब्रह्म डॉ. आठवले यांचे ‘वयाच्या ८० व्या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती
कर्करोगासारख्या दुर्धर आजाराला स्थिर राहून सामोरे जाणारे देवद, पनवेल येथील कै. प्रभाकर भालचंद्र प्रभुदेसाई !