‘कोव्हिशिल्ड’ आणि ‘सीरम इन्स्टिट्यूट’ यांची अपकीर्ती करणारे लिखाण सामाजिक माध्यमांवरून हटवण्याचा न्यायालयाचा आदेश !

मुंबई – कोरोनाच्या काळात ‘कोव्हिशिल्ड’ लस, तसेच ही लस सिद्ध करणारी पुणे येथील ‘सीरम इन्स्टिट्यूट’ यांची अपकीर्ती करणारे लिखाण सामाजिक माध्यमांवरून हटण्याचा आदेश मुंबई उच्च न्यायालयाने दिला. ‘सीरम इन्स्टिट्यूट अ‍ॅण्ड कंपनी’चे मालक अदर पूनावाला यांनी यासाठी मुंबई उच्च न्यायालयात याचिका प्रविष्ट केली होती. यावर ५ जून या दिवशी न्यायमूर्ती रियाज छागला यांच्यापुढे ही सुनावणी झाली.

Bombay High Court gave this instruction to people who called Serum Institute, Adar Poonawalla ‘murderers and criminals’ over Covishield vaccine row.https://t.co/B2yCCVlIZ2

— TIMES NOW (@TimesNow) June 6, 2023

योहान टेंग्रा यांची ‘अनार्की फॉर फ्रीडम इंडिया’ ही संस्था, तसेच ‘अंबर कोईरी’ यांची ‘अवेकन इंडिया मूव्हमेंट’ ही संस्था यांनी सामाजिक माध्यमांवर ‘कोविशिल्ड’ लस आणि ‘सीरम इन्स्टिट्यूट’ यांविषयी अपकीर्ती करणारे लिखाण प्रसारित केले होते.

Take down defamatory posts on Covishield: Bombay high court https://t.co/VZwvPD3mPo

— TOI India (@TOIIndiaNews) June 6, 2023

‘कोविशिल्ड’ लसीमुळे अनेकांचा मृत्यू झाल्याचा प्रसार या संस्थांकडून करण्यात आल्याचा आरोप अदर पुनावाला यांनी केला असून या दोन्ही संस्थांच्या विरोधात मुंबई उच्च न्यायालयात १०० कोटी रुपयांच्या मानहानीचा दावा केला आहे. हानीभरपाई विषयीचा निर्णय न्यायालयाने प्रलंबित ठेवला आहे.