सातारा, २५ एप्रिल (वार्ता.) – सध्‍या उन्‍हाची तीव्रता वाढली असून बाजारात मोठ्या प्रमाणात विविध शीतपेयांना मागणी वाढली आहे; मात्र अनेक शीतपेय विक्रेते ‘कुलिंग चार्जेस’च्‍या नावाखाली ग्राहकांची लूट करत आहेत. (अन्‍न आणि औषध प्रशासन काय करत आहे ? – संपादक)
गत काही दिवसांपासून उन्‍हाची तीव्रता वाढत आहे. त्‍यामुळे रसवंतीगृह आणि शीतपेय पिण्‍यासाठी ग्राहक गर्दी करू लागले आहेत. याचाच अपलाभ घेत काही दुकानदार ‘कुलिंग चार्जेस’च्‍या नावाखाली शीतपेयांच्‍या मूळ किंमतीहून अधिक किंमत ग्राहकाकडून वसूल करत आहेत. याविषयी ग्राहकांनी दुकानदारांना विचारले असता, उडवाउडवीची उत्तरे दिली जात असून छापील किंमतीहून अधिक किंमतीने वस्‍तू न विकण्‍याच्‍या शासनाच्‍या कायद्याचे शीतपेय विक्रेत्‍याकडून राजरोसपणे उल्लंघन केले जात आहे. येणार्‍या ग्राहकाची अडचण पाहून त्‍याच्‍याकडून मूळ किंमतीहून ३ ते ५ रुपये अधिक घेतले जात आहेत. शीतपेय आस्‍थापनाकडून याविषयी कोणतेही धोरण निश्‍चित केले गेले नसल्‍यामुळे याविषयी कुणाकडे तक्रार करायची ? असा प्रश्‍न नागरिक उपस्‍थित करत आहेत. शीतपेयांना थंड करण्‍यासाठी लागणारी साधने, त्‍यासाठी लागणार्‍या विजेचा उपयोग याचा विचार केला असता, शीतपेय मूळ किंमतीत विकणे परवडत नसल्‍याचे विक्रेत्‍यांचे म्‍हणणे आहे.
राज्यघटनेच्या प्रस्तावनेत समाजवाद आणि धर्मनिरपेक्षता हे शब्द घुसडून संविधानाच्या मूळ चौकटीला धक्का लावला आहे ! – माधव भांडारी, प्रवक्ते, भाजप
धर्मवीर छत्रपती संभाजी महाराज यांच्या रुईकर कॉलनी येथे असलेल्या मूर्ती परिसरात ‘सीसीटीव्ही’ बसवावे ! – शिवप्रेमींचे महापालिकेत निवेदन
अधिकच्या दराने शीतपेये आणि पाणी यांची विक्री
सुप्रसिद्ध भरतनाट्यम् नर्तक गुरु विद्वान पार्श्वनाथ उपाध्ये, गुरु (सौ.) श्रृति गोपाल आणि गुरु आदित्य पी.व्ही. यांची महर्षि अध्यात्म विश्वविद्यालयाच्या साधिकांनी घेतली सदिच्छा भेट !
बेस्टच्या किमान आणि वातानुकूलित गाड्यांच्या तिकिट दरात वाढ !
मुख्यमंत्री वैद्यकीय आवेदनावरील तालुका अधीक्षकांच्या स्वाक्षरीचा मार्ग मोकळा !