‘७.१२.२०२२ (मार्गशीर्ष पौर्णिमा (दत्तजयंती)) या दिवशी माझी मोठी बहीण श्रीचित्‌शक्ति (सौ.) अंजली मुकुल गाडगीळ यांचा वाढदिवस रामनाथी (गोवा) येथील सनातनच्या आश्रमात साजरा झाला. तेव्हा सनातनचे तीनही गुरु (सच्चिदानंद परब्रह्म डॉ. आठवले, श्रीसत्‌शक्ति (सौ.) बिंदा नीलेश सिंगबाळ आणि श्रीचित्‌शक्ति (सौ.) अंजली मुकुल गाडगीळ), तसेच श्रीचित्‌शक्ति (सौ.) गाडगीळ यांचे कुटुंबीय उपस्थित होते.
१. वाढदिवसाच्या कक्षातील आनंदी आणि चैतन्यमय झालेले वातावरण !
श्री. विनायक शानभाग (आध्यात्मिक पातळी ६७ टक्के, वय ४० वर्षे) तिथे उपस्थित प्रत्येकाला सौ. अंजलीताईंची (श्रीचित्‌शक्ति (सौ.) अंजली मुकुल गाडगीळ यांची) गुणवैशिष्ट्ये सांगण्यासाठी पुढे बोलावत होते. श्री. विनायकदादा बोलावतील, तसे एकेक जण पुढे येऊन सौ. अंजलीताईंविषयी सांगून त्यांच्याविषयी कृतज्ञता व्यक्त करत होते. त्या वेळी तेथील वातावरण पुष्कळ आनंदी आणि चैतन्यमय झाले होते.
२. श्रीचित्‌शक्ति (सौ.) गाडगीळ यांच्याविषयी बोलू लागल्यावर वाईट शक्तींनी केलेले आक्रमण
श्री. विनायकदादांनी माझे नाव पुकारल्यावर मी सौ. अंजलीताईंविषयी कृतज्ञता व्यक्त करण्यासाठी उठले. मी बोलायला आरंभ केल्यावर अकस्मात् माझ्या कानात कुणीतरी सांगितले, ‘‘तू पुढे काही बोलायचे किंवा सांगायचे नाहीस.’’ हे शब्द ऐकून मी पुष्कळ घाबरले आणि एकदम स्तब्ध झाले. मला काही बोलता येईना. मी केवळ १ – २ शब्द बोलून माझ्या आसंदीवर येऊन बसले. खरेतर, मला पुष्कळ काही सांगायचे होते; पण मला काही सांगता आले नाही.
३. ‘सनातनचे तीनही गुरु उपस्थित असतांना तिथे मोठ्या क्षमतेच्या वाईट शक्तींचा प्रभावही तेवढाच असतो’, असे श्रीचित्‌शक्ति (सौ.) गाडगीळ यांनी सांगणे
मला तिथे काहीच बोलता आले नाही; म्हणून मी सौ. अंजलीताईंना याचे कारण विचारले. तेव्हा आमच्यामध्ये पुढील संवाद झाला.
श्रीचित्‌शक्ति (सौ.) अंजलीताई : तुझ्यावर फार मोठे आक्रमण झाले होते. त्यामुळे तुझा चेहराही पुष्कळ वेगळा दिसत होता.
मी (सौ. शीतल) : एवढ्या चैतन्यमय वातावरणात आक्रमण कसे काय झाले ?
श्रीचित्‌शक्ति (सौ.) अंजलीताई : आम्ही तीनही गुरु उपस्थित असतांना वाईट शक्तींचा प्रभावही तेवढाच असतो.
४. आध्यात्मिक स्तरावरील उपायांचे महत्त्व जाणवणे
या प्रसंगानंतर माझ्या लक्षात आले की, ‘त्या दिवशी माझे नामजपादी उपाय झाले नव्हते आणि त्यामुळेच माझ्यावर आक्रमण झाले.’ यातून आध्यात्मिक स्तरावरील उपायांचे महत्त्व माझ्या लक्षात आले.
हे गुरुदेवा, मी यापुढे नियमितपणे नामजपादी उपाय करीन.’
– सौ. शीतल गोगटे (आध्यात्मिक पातळी ६५ टक्के, वय ४५ वर्षे), मिरज.(७.१२.२०२२)
|
‘साधकांनी आध्यात्मिक प्रगती करण्यासाठी नेहमी सत्याचा बोध घ्यावा !’ – योगतज्ञ प.पू. दादाजी वैशंपायन
सद्गुरु डॉ. मुकुल गाडगीळ यांनी सांगितलेले नामजपादी उपाय करून तीव्र आध्यात्मिक त्रासावर मात करणार्या कु. मधुरा चतुर्भुज !
रामनाथी (गोवा) येथील सनातनच्या आश्रमात आल्यावर सेवेच्या माध्यमातून स्वतःत पालट करणारा चेन्नई येथील श्री. हिमनीश बालाजी कोल्ला !
‘सच्चिदानंद परब्रह्म डॉ. आठवले यांचे ‘वयाच्या ८० व्या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती
कर्करोगासारख्या दुर्धर आजाराला स्थिर राहून सामोरे जाणारे देवद, पनवेल येथील कै. प्रभाकर भालचंद्र प्रभुदेसाई !
रामनाथी (गोवा) येथील सनातनच्या आश्रमातील आधुनिक वैद्या (सौ.) कस्तुरी भोसले (वय ७० वर्षे) यांच्यात साधिकेला जाणवलेले पालट !