पू. (सौ.) अश्विनी पवार यांच्या वाढदिवसानिमित्त साधकांनी त्यांच्यावर केलेल्या कविता

‘परम पूज्य गुरुदेवांची कृपा आहे आमच्यावरी ।
पू. अश्विनीताईंच्या रूपात आईची कृपा आहे आमच्यावरी ।। १ ।।

नाही सांगितली जरी मी माझ्या मनाची स्थिती ।
ओळखूनी मज, प्रयत्नांची योग्य दिशा त्या देती ।। २ ।।

जाणवत होता आरंभी मला एकटेपणा ।
त्यांच्या प्रेमळ दृष्टीने आणि स्पर्शाने निघून गेला दुरावा ।। ३ ।।

‘पू. अश्विनीताई, तुमचे प्रेम अनुभवण्यास मी न्यून पडत आहे. आमच्यावर भरभरून पे्रम करणार्‍या पू. अश्विनीताईंना कृतज्ञतापूर्वक नमस्कार !’

– सौ. अंजली झरकर, सनातन आश्रम, देवद, पनवेल. (नोव्हेंबर २०१९)

ज्यांची असे सर्वांवर अपार प्रीती ।
कशी वर्णू त्यांची शब्दांत महती ।। १ ।।

शरण जाऊन त्यांना मन हे प्रार्थिते ।
अशीच राहू द्या आम्हावर ही कृपादृष्टी ।। २ ।।

जन्मदिनी झाली हो आज वृष्टी ।
न्हाऊन निघाली आनंदात अवघी सृष्टी ।। ३ ।।

घ्यावे जवळी या अज्ञानी लेकराला ।
न्यावे सत्वर गुरुचरणी आम्हाला ।। ४ ।।

– श्री. पुष्कराज जोशी, सनातन आश्रम, देवद, पनवेल. (११.१२.२०२०)

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक