चतु:श्रृंगी (जिल्हा पुणे) पोलीस ठाण्यातील २ पोलिसांवर लाच घेतल्यामुळे गुन्हा नोंद !

पुणे – नातेवाईकांवर चोरीचा गुन्हा नोंद न करण्यासाठी २५ सहस्र रुपयांची लाच स्वीकारतांना चतु:श्रृंगी पोलीस ठाण्यातील पोलीस हवालदार प्रशांत जाधव आणि पोलीस शिपाई अजित गायकवाड यांना रंगेहात पकडले. ही कारवाई पोलीस ठाण्यात लाचलुचपत प्रतिबंधक विभागाने ६ नोव्हेंबर या दिवशी केली. लाच देणे हे तक्रारदारास मान्य नसल्याने त्यांनी याविषयी लाचलुचपत प्रतिबंधक विभागाकडे तक्रार प्रविष्ट केली होती, त्यानुसार दोन्ही पोलिसांवर गुन्हा नोंद करण्यात आला आहे.