|
सिंधुदुर्ग – जिल्ह्यात सावंतवाडी आणि वेंगुर्ला येथे अल्पवयीन मुलींवर अत्याचार केल्याची एकूण २ प्रकरणे उघड झाली आहेत. यामध्ये एका प्रकरणातील मुलगी २ मासांची गर्भवती असल्याचे उघड झाले आहे. या प्रकरणी पोलिसांनी २ युवकांना अटक केली असून त्यातील वेंगुर्ला येथील युवकाला न्यायालयाने १ दिवसाची पोलीस कोठडी बजावली आहे, तर दुसर्या युवकाला १४ ऑक्टोबरला न्यायालयात उपस्थित केले जाणार आहे.
सावंतवाडी शहराच्या नजीक असलेल्या भागात घडलेल्या घटनेत संबधित युवकाने त्या मुलीला फसवून घरात कुणी नसल्याची संधी साधत अत्याचार केला होता. मुलीला त्रास होऊ लागल्याने तिच्या नातेवाइकांनी तिला तपासणीसाठी सावंतवाडी उपजिल्हा रुग्णालयात भरती केले होते. त्या वेळी तपासणीत ती गर्भवती असल्याचे उघड झाले. याची माहिती वैद्यकीय अधिकार्यांनी पोलीस ठाण्यात दिल्यानंतर पोलिसांनी संशयित युवकाला अटक केली.
दुसरा प्रकार वेंगुर्ला तालुक्यात घडला असून पीडित मुलीच्या तपासणीनंतर तिच्यावर अत्याचार झाल्याचे उघड झाले. या मुलीला नातेवाइकांनी नाकारल्यानंतर ती सावंतवाडी येथील ‘अंकुर’ या महिलांच्या वसतीगृहात होती. या प्रकरणी पोलीस ठाण्यात तक्रार नोंद करण्यात आली आहे.
संपादकीय भूमिका
|
म्हापसा येथील स्थानबद्धता केंद्रातून रशियाचा नागरिक पसार
आरोंदा येथे अवैधरित्या वास्तव्य करणार्या रशियाच्या नागरिकाला कारावास
आतंकवादी कसाबने कारागृहात मटण बिर्याणी मागितल्याचे वृत्त जाणीवपूर्वक पेरले होते ! – ज्येष्ठ विधीज्ञ पद्मश्री उज्ज्वल निकम
हिंदुत्वनिष्ठ हर्षा यांची हत्या करणार्या आरोपींनी कारागृह ‘वॉर्डन’वर केले आक्रमण !
‘नीट’च्या प्रश्नपत्रिका पोचवण्यासाठी अमरावतीत १५ वाहनांचा ताफा !
विशेष न्यायालयाने पोलीस उपअधीक्षकाचा जामीन फेटाळला !