‘आक्षेपार्ह व्हिडिओ बनवतांना मी मद्यधुंद होतो’, असे सांग, म्हणजे तुला वाचवता येईल !

जयपूर – अजमेर दर्ग्याचा सेवेकरी सलमान चिश्ती याने ‘नूपुर शर्मा यांचा शिरच्छेद करणार्‍याला स्वतःचे घर देणार’, असे चिथावणीखोर आवाहन केले होते. या आवाहनाचा त्याने व्हिडिओ बनवला होता. याविषयी विरोध झाल्यानंतर अजमेरचे पोलीस उपायुक्त संदीप सारस्वत यांनी चिश्ती याला अटक केली. त्याला अटक करून घेऊन जात असतांनाचा एक व्हिडिओ भाजपच्या नेत्याने प्रसारित केला आहे. या व्हिडिओमध्ये पोलीस उपायुक्त संदीप सारस्वत हे चिश्ती याला ‘आक्षेपार्ह व्हिडिओ बनवतांना मी मद्यधुंद होतो’, असे सांग, म्हणजे तुला वाचवता होईल’, असा सल्ला देतांना दिसत आहेत. यानंतर पोलिसांनी ‘चिश्ती मद्यधुंद अवस्थेत होता’, असे पसरवले होते.

#WATCH | Rajasthan: In a viral video, Ajmer Sharif Dargah CO Sandeep Saraswat seen asking accused Salman Chishti,”which intoxication did you take while making the video,” adding, “say you were intoxicated to get saved.”

CO Sandeep Saraswat is now awaiting posting order: Ajmer SP https://t.co/i0KCkImHMx pic.twitter.com/9Va468HTi2

— ANI MP/CG/Rajasthan (@ANI_MP_CG_RJ) July 7, 2022

या घटनेमुळे सारस्वत यांची पदावरून हकालपट्टी करण्यात आली आहे. सध्या त्यांना पदाच्या प्रतीक्षेत असणार्‍यांच्या सूचीत अंतर्भूत करण्यात आले आहे. राजस्थान सरकारने सारस्वत या घटनेच्या चौकशीचा आदेश दिला आहे.