‘साधकांची अध्यात्मात उन्नती व्हावी’, या तळमळीने त्यांची क्षणोक्षणी काळजी घेणारे कृपाळू परात्पर गुरु डॉ. आठवले !

परात्पर गुरु डॉक्टरांनी केलेले अमूल्य मार्गदर्शन !

अ. आपण कुटुंबात देवाण-घेवाण हिशोब फेडण्यासाठी एकत्र येतो; म्हणून घरात वाद-विवाद होतात. साधक हेच आपले खरे कुटुंब आहे.

आ. साधना करून आपली आध्यात्मिक उन्नती झाल्यावर आपल्याला २४ घंटे सुरक्षित वाटू लागते. अध्यात्मात उन्नती झाल्यावर आपल्याला एकटेपणा किंवा असुरक्षितता वाटणार नाही.

इ. आपण परिस्थिती स्वीकारू लागल्यास ‘आपला अहं न्यून झाला आहे’, असे समजावे.

ई. आपल्याकडून चुका होत असल्यास ‘आपण देवापासून दूर जात आहोत’, असे समजावे.

उ. आपल्या मनात पुष्कळ विचार येत असल्यास प्रत्येक विचार लिहून त्यावर स्वयंसूचना लिहिली, तर विचार येणे बंद होतील.

– आधुनिक वैद्या (सौ.) लिंदा बोरकर (२४.९.२०२१)

• सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे  ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

• येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक