सांग ना देवा, कसे व्हावे तुझे आम्ही उतराई ।

ही तुझी प्रीती, ही तुझीच कृपा ।
मुक्तीचा मार्ग तू केलास सोपा ।। १ ।।

सत्संग, सत्सेवा देऊन केलीस तूच प्रगती ।
‘सनातन प्रभात’मुळे जीवनाला मिळाली गती ।। २ ।।

वेळोवेळी अनुभवत होते तुझी कृपा, तुझी प्रीती ।
आनंद अन् समाधान देण्याची तुझी ही आगळी रिती ।। ३ ।।

पत्र माध्यमातून सतत मिळाले तुझे मार्गदर्शन ।
योगायोगाने मिळत होते तुझे हास्यमधुर दर्शन ।। ४ ।।

सांग ना देवा, कसे व्हावे तुझे आम्ही उतराई ।
नतमस्तक होण्या यावे का तुझ्या पायी ।। ५ ।।

स्वामी स्वरूपानंदांनी जीवनात गुढी उभारली (टीप) ।
तुझ्या कृपेचे श्रीफळ (टीप १) घेऊनी पौर्णिमा आली ।। ६ ।।

तुझ्या कृपारूपे मिळाले गणेशाचे बळ ।
लाभता विद्यामाजी सकळ ।। ७ ।।

होतसे प्रवेश अज्ञ बाळाचाही ।
शंका येथे तीळमात्र नाही ।। ८ ।।

गुरुराणा, तुझे उदार वचन ।
अभयाचे देशी वरदान ।। ९ ।।

जयावरी होते तुझी कृपादृष्टी ।
बदलून जाते त्याची जीवसृष्टी ।। १० ।।

म्हणोनि निवांत होऊनी भले ।
देवराण्यासी या नमन केले ।। ११ ।।

टीप – पावस (जिल्हा रत्नागिरी) येथील स्वामी स्वरूपानंद यांनी २४ व्या वर्षी अनुग्रह आणि गुरुमंत्र दिल्याने साधनेला आरंभ झाला.

टीप १ – वर्ष १९९६ पासून सनातन संस्थेच्या मार्गदर्शनानुसार साधना केली. वर्ष २०२१ मधील नारळीपौर्णिमेच्या दिवशी ६१ टक्के पातळी घोषित होऊन साधनेचे श्रीफळ मिळाले.

– कृष्णपुष्प (पुष्पांजली) (आध्यात्मिक पातळी ६१ टक्के, वय ७४ वर्षे), बेळगाव (२२.८.२०२१) (नारळीपौर्णिमेच्या दिवशी स्फुरलेले काव्य)