पैठण (जिल्हा संभाजीनगर) येथील संतपिठाचा अभ्यासक्रम चालू होणार !
मुंबई – पैठण येथील संतपिठामध्ये भारतीय परंपरा, संस्कृती, संत संप्रदाय, संत साहित्य, कीर्तन, प्रवचन, तत्त्वज्ञान आदी गोष्टींशी संबंधित प्रमाणपत्र, पदविका, पदवी, पदव्युत्तर अभ्यासक्रम चालवण्यासाठी संतपिठाचे शैक्षणिक व्यवस्थापन डॉ. बाबासाहेब आंबेडकर विद्यापिठाकडे ५ वर्षांसाठी किंवा पुढील आदेश होईपर्यंत जे लवकर होईल त्या काळासाठी सोपवण्याचा निर्णय काही अटींच्या अधीन राहून घेण्यात आला आहे. यासाठीचा व्यय विद्यापिठाला स्वनिधीतून करावा लागणार असून संतपिठाच्या जागेची, तसेच इमारतीची मालकी शासनाकडेच राहील.
मुख्यमंत्री उद्धव ठाकरे यांनी ९ सप्टेंबर या दिवशी संभाजीनगर जिल्ह्यातील विविध विकास कामांचा आढावा घेतला होता, तेव्हा त्यांनी पैठण येथील संतपिठाचे शैक्षणिक व्यवस्थापन डॉ. बाबासाहेब आंबेडकर मराठवाडा विद्यापिठाकडे सोपवण्याची सूचना केली होती.
केवळ शैक्षणिक उपक्रम राबवण्यासाठी ज्ञानेश्वर उद्यानाजवळ १७.८ एकर भूमी संपादित करण्यात आली आहे. संतपिठाच्या प्रशासकीय इमारत, वसतीगृह आणि वाचनालय इमारत बांधकाम यांसाठी ६ कोटी रुपयांच्या व्ययासही मान्यता देण्यात आली होती.
मतदान प्रक्रिया पार पडण्यासाठी सातारा जिल्हा प्रशासन सज्ज ! – जितेंद्र डुडी, जिल्हाधिकारी, सातारा
लातूरचे उमेदवार अमित देशमुख यांच्या व्हिडिओतून काँग्रेसचे महिलांविरोधी धोरण उघड !
एकादशीनिमित्त मंदिरे समितीला कोट्यवधी रुपयांचे उत्पन्न ! – राजेंद्र शेळके, कार्यकारी अधिकारी
‘अफझलशाही विचार’ रोखण्यासाठी विधानसभा निवडणुकीत १०० टक्के मतदान होणे आवश्यक ! 
कोल्हापूर जिल्ह्यातील ३ सहस्र ४५२ मतदान केंद्रांपैकी २ सहस्र ९० केंद्रांवर ‘वेबकास्टींग’द्वारे निवडणूक विभागाचे लक्ष्य !
हिंदु असल्याची लाज वाटत असेल, तर शरद पवारांनी ते हिंदु नाहीत, असे सांगावे ! – किरीट सोमय्या