अनधिकृत व्यवसाय असल्याने आग लावल्याचा संशय
मुंबई – अनधिकृत रसायनांचा साठा आणि व्यवसाय, लाकडाच्या वखारी, लोखंडाचे कारखाने अन् भंगार सामान आदींचे व्यवसाय असलेल्या १५ एकर परिसरात पसरलेल्या मानखुर्द येथील मंडल परिसरातील गोदामांना ५ फेब्रुवारीला दुपारी अडीच वाजता प्रचंड मोठ्या प्रमाणात आग लागली. रात्री उशिरापर्यंत ही आग शमली नव्हती. काळ्या धुराचे प्रचंड लोट ४ ते ५ कि.मी.पेक्षाही अधिक परिसरात पसरले होते. संध्याकाळपर्यंत येथील रसायनांचे स्फोट थोड्या थोड्या वेळाने होऊन आगीचे डोंब उसळत होते. रसायनांची पिंपे हवेत उडत होती. ही आग माफियांनी लावल्याचा आरोप होत आहे. ४ वर्षांपूर्वी अशीच भीषण आग लागली होती.
अग्नीशमन दलाच्या ३५ गाड्या आग विझवण्याचे शर्थीचे प्रयत्न करत होत्या. या आगीत २ जवान किरकोळ घायाळ झाले.
येथे जाणारे रस्ते अरुंद असल्याने गाड्यांना आत जाण्यास अडचण येत होती. त्यामुळे तेथील काही बांधकामे तोडण्यातही आली. शेजारीच मोठी झोपडपट्टी असल्याने आग तिथे पसरण्याचा धोका होता. तेथील नागरिकांना परिसर रिकामा करायला सांगण्यात आले होते. आजूबाजूची अनेक गोदामे जेसीबीच्या साहाय्याने बाजूला केली. १५० गाळे जळून खाक झाले असून प्रत्येकातील १ ते २ कोटीचा माल जळून गेल्याची शक्यता आहे.
घाटकोपर-मानखुर्द लिंक मार्गाला लागून असलेल्या शीव-पनवेल मार्गावरील वाहतूकही या आगीमुळे बाधीत झाली. त्यामुळे चेंबूर किंवा फ्रीवे हे मार्ग वापरण्याचे आवाहन करण्यात आले.
रुग्णवाहिका, पाण्याचे टँकर, रेस्क्यू वाहने घटनास्थळी आणण्यात आली. आग नेमकी कशामुळे लागली, हे समजू शकले नाही.
|
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
विकसित महाराष्ट्राचा संकल्प पूर्ण करण्यासाठी जनता महायुतीला निवडून देणार ! – प्रभाकर सावंत, जिल्हाध्यक्ष, भाजप
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
मुंबईत पोलीस निरीक्षकावर आक्रमणकर्त्याच्या विरोधात गुन्हा नोंद !
पुणे महापालिकेच्या आवारात शिरस्त्राणसक्ती करण्याचा आदेश !