Dhaka Hindu Protest : हिंदूंनी ढाक्यामध्ये काढला विशाल मशाल मोर्चा !

ढाका (बांगलादेश) – बांगलादेशात भगवान श्रीरामाच्या अपमानाचा निषेध करत हिंदु समुदायाने १९ जूनच्या रात्री ढाकामध्ये मशाल मोर्चा काढला. या मोर्चाचे नेतृत्व करणार्‍या हिंदु विद्यार्थ्यांनी आरोप केला की, अलीकडेच धर्मांध मुसलमानांच्या हिंसक जमावाने भगवान श्रीरामाच्या प्रतिमेवर बूट ठेवून त्यांचा अपमान केला. हा भगवान श्रीराम आणि हिंदु समुदायाचा घोर अपमान आहे. जर ७२ घंट्यांत दोषींना अटक करण्यात आली नाही, तर धार्मिक व्यवहार मंत्रालयाला निवेदन दिले जाईल. तसेच पंतप्रधान तारिक रहमान यांच्या भेटीव्यतिरिक्त विविध मोर्चे आणि कार्यक्रम आयोजित करून विरोध व्यक्त केला जाईल.

🚨 Bangladesh Hindus Rise in Protest! 🚨

Outrage is growing among Hindus in Bangladesh after the desecration of Bhagwan Shri Ram by radical elements and the forced suspension of a major Shri Ram statue project in the Gaibandha district.

In a powerful show of unity, thousands of… https://t.co/X5O92K0HxQ pic.twitter.com/uHbhTxKLHj

— Sanatan Prabhat (@SanatanPrabhat) June 20, 2026

१. ढाक्यामधील विशाल मशाल मोर्चा शाहबाग चौकापासून चालू होऊन शाहबाग स्क्वेअरवरून मोतेश्वर भवन मार्गे ‘नॅशनल प्रेस क्लब’पर्यंत पोचला. मोर्चामध्ये सहभागी झालेल ‘जय श्रीराम’ आणि इतर घोषणा देत होते.

२. भगवान श्रीरामाच्या अपमानाचा निषेध करण्यासाठी १९ जूनला सकाळी ढाक्यामध्ये २ वेगवेगळे कार्यक्रमही आयोजित करण्यात आले होते. ‘हिंदु महाजोत’ नावाच्या संघटनेच्या २ गटांनी वेगवेगळे कार्यक्रम केले. यातील एक कार्यक्रम ‘नॅशनल प्रेस क्लब’समोर आणि दुसरा ‘ढाका रिपोर्टर्स युनिटी’मध्ये पत्रकार परिषदेच्या माध्यमातून घेण्यात आला.

३. ‘नॅशनल प्रेस क्लब’समोर मानवी साखळी करून हिंदूंनी कट्टरतावाद्यांचा निषेध केला. भगवान श्रीरामाच्या अपमानाचा निषेध करण्यासाठी ‘नॅशनल कमिटी फॉर पूजा सेलिब्रेशन्स’ने देशभरात निषेध आंदोलने करण्याची घोषणा केली आहे.

४. ढाका येथील घटनेपूर्वी उत्तर बांगलादेशातील गाईबांधा जिल्ह्यातील पोलाश बाडी येथेही त्यांनी भगवान श्रीरामाच्या अपमानाविरोधात निदर्शने केली होती.

काय आहे प्रकरण ?

गाईबांधाच्या पोलाश बाडी येथे ८१ फूट उंच भगवान श्रीरामाच्या मूर्तीसह श्रीराममंदिराचे बांधकाम चालू होते. ही मूर्ती स्थानिक हिंदू त्यांच्याच भूमीवर बांधलेल्या मंदिरात स्थापन करत होते; परंतु याविरोधात जमात-ए-इस्लामीच्या नेतृत्वाखाली कट्टरतावादी मुसलमानांनी मोहीम चालू केली. कट्टरतावाद्यांच्या एका जमावाने मंदिराबाहेर जोरदार घोषणाबाजी केली आणि बनवण्यात येत असलेल्या श्रीरामाच्या मूर्तीवर बूट फेकले. हिंदु समुदायाने या प्रकरणी पोलिसांत गुन्हा नोंदवला; मात्र अद्याप कोणत्याही आरोपीला अटक करण्यात आली नाही. यामुळे हिंदूंमध्ये संताप वाढत आहे. आरोपींवर कारवाई करण्याच्या मागणीसाठी हिंदु समाज आता ठिकठिकाणी मोर्चे काढत आहे.