वारकर्‍यांसाठी ‘मोबाईल चार्जिंग’ची सुविधा !

पुणे – ‘कोकणस्थ परिवार, पुणे’ यांच्या वतीने पालखी सोहळ्याच्या कालावधीत पुणे येथे वारकर्‍यांसाठी विनामूल्य ‘मोबाईल चार्जिंग’ची (भ्रमणभाष भारित करण्याची) सुविधा देण्यात आली. ही सुविधा लक्ष्मी रस्त्यावरील गणेश पेठ पोलीस चौकी शेजारी ‘नेवरेकर हेल्थ होम’ येथे दिली. उपक्रमाचा प्रारंभ कोकणस्थ परिवारचे अध्यक्ष ज्येष्ठ क्रीडा संघटक सुनील नेवरेकर यांच्या हस्ते करण्यात आला.

या उपक्रमासाठी उत्तम वनारसे, गणेश निकम, पवन नेवरेकर, अधिवक्ता केशव गाडे, अधिवक्ता प्रेम अगरवाल, शीतल नेवरेकर आदींनी विशेष सहकार्य केले. कोकणस्थ परिवाराच्या वतीने पुण्ो येथे गेली अनेक वर्षे हा उपक्रम राबवण्यात येत आहे.