जोधपूर (राजस्थान) येथील श्री सच्चियायमातेला श्रीचित्‌शक्ति (सौ.) मुकुल गाडगीळ यांनी हिंदु राष्ट्राच्या स्थापनेसाठी केली प्रार्थना !

जोधपूर (राजस्थान) – सनातन संस्थेचे संस्थापक सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी श्रीचित्‌शक्ति (सौ.) अंजली मुकुल गाडगीळ यांनी ८ जुलै या दिवशी येथील प्रसिद्ध श्री सच्चियायमातेच्या मंदिरात जाऊन दर्शन घेतले.

या वेळी श्रीचित्‌शक्ति (सौ.) गाडगीळ यांनी देवीची खणानारळाने ओटी भरली. ‘हिंदु राष्ट्राची स्थापना लवकरात लवकर व्हावी, सच्चिदानंद परब्रह्म डॉ. आठवले यांना आरोग्यपूर्ण दीर्घायुष्य लाभावे, तसेच साधकांचे आपत्काळात रक्षण व्हावे’, यांसाठी श्रीचित्‌शक्ति (सौ.) अंजली गाडगीळ यांनी प्रार्थना केली. यानंतर त्याच मंदिरात श्रीविष्णु आणि श्री काळभैरव यांचेही मंदिर असून त्यांचेही श्रीचित्‌शक्ति (सौ.) गाडगीळ यांनी दर्शन घेतले अन् हिंदु राष्ट्र स्थापनेसाठी प्रार्थना केली. या वेळी जोधपूर येथील साधक श्री. शीतल मोदी, सौ. स्वाती मोदी आणि श्री. शैलेश मोदी हेही उपस्थित होते.