Zia ur Rahman Barq : इस्लाममध्ये केवळ एकाच ईश्वराची उपासना करण्याची अनुमती !

उत्तरप्रदेशातील समाजवादी पक्षाचे खासदार जियाउर्रहमान बर्क यांचा ‘वन्दे मातरम्’ म्हणण्यास विरोध

नवी देहली – उत्तरप्रदेशातील समाजवादी पक्षाचे खासदार जियाउर्रहमान बर्क यांनी ‘मी ‘वन्दे मातरम्’ गात नाहीत; कारण ते इस्लाम धर्माच्या विरोधात आहे. इस्लाममध्ये केवळ एकाच ईश्वराची उपासना करण्याची अनुमती आहे, त्यामुळे इतर कोणत्याही प्रतीकासमोर नतमस्तक होता येत नाही’, असे म्हटले आहे.

🚨 SP MP Refuses To Say “Vande Mataram”

Samajwadi Party’s Ziaur Rahman Barq from UP claims “Islam allows worship of only one God.”

Even his family has opposed “Vande Mataram”; his grandfather had walked out of the Assembly during its rendition!

Nationalists now ask – should… pic.twitter.com/cgJnx4LQ1j

— Sanatan Prabhat (@SanatanPrabhat) November 11, 2025

बर्क यांनी पुढे म्हटले की,

‘वन्दे मातरम्’ न गाण्याचा हा विचार केवळ वैयक्तिक नाही, तर आमच्या संपूर्ण कुटुंबाचा तोच दृष्टीकोन आहे. माझे आजोबाही या गीताचा नेहमीच विरोध करत आले होते. राज्यात बहुजन समाज पक्षाच्या सरकारच्या काळात आजोबा शफीकुर्रहमान विधानसभा अधिवेशनात ‘वन्दे मातरम्’ वाजताच सभागृहातून बाहेर पडले होते.

सर्वोच्च न्यायालयाचा दाखला

खासदार बर्क यांनी सर्वोच्च न्यायालयाच्या निर्णयाचा दाखला देत म्हटले की, कुणालाही ‘वन्दे मातरम्’ म्हणण्यास किंवा गाण्यास भाग पाडले जाऊ शकत नाही. त्याच वेळी त्यांनी हेही नमूद केले की, राष्ट्रगीत आणि राष्ट्रगान यांमध्ये भेद आहे. त्यांच्या म्हणण्यानुसार राष्ट्रगानाच्या शब्दांमध्ये काहीही आक्षेपार्ह नाही; म्हणून ते शाळा आणि मदरसे यांमध्ये गायले जाते.