सिंहगडावर लावले ‘हा किल्ला हिंदूंचा, इथे मुसलमानांना प्रवेश नाही’ असे फलक !

(मजार म्हणजे इस्लामी पीर किंवा फकिर यांचे थडगे. )

पुणे – ‘हा किल्ला हिंदूंचा असून इथे मुसलमानांना प्रवेश नाही’, असा मजकूर असलेले फलक १४ जुलैला सिंहगडाच्या प्रवेशद्वाराजवळ असलेल्या वाहनतळाच्या बाजूला लोखंडी फलकावर हे फलक लावलेले आढळले. या मजकुराच्या खाली ‘हुकूमावरून’ असेही लिहिले होते.

वन विभागाने म्हटले की, समाजकंटकांनी जाणूनबुजून या फलकांवरील मजकुराखाली ‘हुकूमावरून’ असा शब्द लिहिला, जेणेकरून हा सरकारी आदेश असल्याचे भासावे. वन विभागाने तात्काळ हे फलक येथून हटवल. या प्रकरणी अद्याप कुणी तक्रार प्रविष्ट केलेली नाही; मात्र पोलिसांनी अज्ञात व्यक्तींचा शोध चालू केला आहे. पोलीस गडाला जोडणार्‍या रस्त्यांवरील सीसीटीव्ही चित्रीकरणाची पडताळणी करत आहेत.