असे कसे गुरुदेवा, तुझे नि आमचे हे नाते ।

‘एकदा मला परात्पर गुरु डॉक्टरांचे (सच्चिदानंद परब्रह्म डॉ. जयंत आठवले यांचे) दुरून दर्शन झाले. बर्‍याच मासांनी (महिन्यांनी) मी त्यांना पाहिले. तो क्षण आणि दृश्य मला सतत आठवत होते. रात्री माझ्या मनात विचार आला, ‘प.पू. डॉक्टरांना भेटल्यावर काही बोलताच येत नाही. माझे देहभान हरपून जाते आणि जेव्हा मी भानावर येते, तेव्हा भगवंत (प.पू. डॉक्टर) समोर नसतात.’ त्यानंतर मला पुढील ओळी सुचल्या.

असे कसे गुरुदेवा, तुझे नि आमचे हे नाते ।
तुलाच सर्व सांगायचे आणि तू समोर
येताच निःशब्द होण्याचे ।। १ ।।

असे कसे गुरुदेवा, तुझे नि आमचे हे नाते ।
सर्व काही भान येण्यासाठीच करायचे (टीप १)
आणि तू समोर आल्यावर संपूर्ण भान हरपायचे ।। २ ।।

असे कसे गुरुदेवा, तुझे नि आमचे हे नाते ।
तुला साक्षी ठेवून सर्व काही करायचे
आणि तू जवळ असूनही तुझ्यापासून दूर रहायचे (टीप २) ।। ३ ।।

टीप १ : ‘देव सोबत आहे’ हे भान सतत रहाण्यासाठी करावयाचे साधनेचे प्रयत्न.

टीप २ : सूक्ष्मातून जवळ राहून स्थुलातून दूर रहायचे.

– कु. कौमुदी जेवळीकर, सनातन आश्रम, रामनाथी, गोवा. (१३.११.२०२२)