मालवण शहरात फळांवर थुंकणारा फळविक्रेता पोलिसांच्या कह्यात !

संतप्त नागरिकांनी विक्रेत्याची फळे फेकून दिली !

मालवण – शहरातील एस्.टी. बसस्थानकाच्या जवळ असलेला फळविक्रेता फळांवर थुंकून ती फळे विकत असल्याचा किळसवाणा प्रकार काही नागरिकांच्या निदर्शनास आला. हे आक्षेपार्ह कृत्य पाहून संतप्त नागरिकांनी त्याला खडसावले, तसेच त्याची फळे रस्त्यावर फेकली. संतप्त झालेल्या नागरिकांना पाहून फळविक्रेता पसार झाला. या घटनेविषयी पोलिसांना समजल्यानंतर पोलिसांनी त्याला कह्यात घेतले. अशा लोकांना शहरातून कायमस्वरूपी हाकलून द्या, अशी मागणी केली जात आहे.