Bangladesh Sedition Case Against Hindus : बांगलादेशामध्ये ‘इस्कॉन’च्या सचिवासह १८ हिंदु संघटनांवर देशद्रोहाचा गुन्हा !

ढाका (बांगलादेश) : काही आठवड्यांपूर्वी बांगलादेशातील हिंदु नेत्यांकडून ‘सनातन प्रभात’ला माहिती मिळाली होती की, तेथील मुसलमानच नाही, तर सैन्य, सरकार, तसेच प्रशासन हिंदूंच्या मुळावर उठले आहे. ते आता प्रत्ययास येत आहे. ‘इस्कॉन’च्या बांगलादेशातील प्रमुखांपैकी एक असलेले चितगाव येथील इस्कॉनचे सचिव चिन्मय दास ब्रह्मचारी यांच्यावर देशद्रोहाचा गुन्हा नोंदवण्यात आला आहे. ते एकटेच नाही, तर आणखी १८ अन्य हिंदुत्वनिष्ठ संघटनांचे नेते आणि कार्यकर्ते यांच्या विरुद्धही गुन्हे नोंदवले गेले आहेत. सरकारकडून करण्यात आलेल्या कारवाईच्या विरोधात १ नोव्हेंबरला हिंदूंकडून आंदोलने करण्यात आली.

🛑 Bangladesh : 18 Hindu Organizations, Including ISKCON Secretary, Charged with Treason

📌 Accusation of hoisting ISCKON’s saffron flag over Bangladesh’s flag

📌 Strong protests by Hindus in Chittagong against actions taken against devout Hindus

“The flag with the moon and… pic.twitter.com/gcdCpuqDUx

— Sanatan Prabhat (@SanatanPrabhat) November 1, 2024

चिन्मय दास यांनी २५ ऑक्टोबरला चितगावात एका मोर्चाचे आयोजन केले होते. यावेळी बांगलादेशाच्या राष्ट्रध्वजाच्या वर ‘इस्कॉन’चा भगवा ध्वज फडकावल्याचा खोटा आरोप करण्यात आला आहे. यातून बांगलादेशाच्या राष्ट्रध्वजाला कमी लेखण्याचा प्रयत्न करण्यात आल्याचा आरोप करण्यात आला आहे. या प्रकरणी २ जणांना अटकही करण्यात आली आहे. चिन्मय दास हे हिंदूंवर झालेल्या अत्याचारांच्या विरोधात आवाज उठवण्यासाठी सातत्याने मोर्चे आणि आंदोलने यांचे आयोजन करत आहेत.