पोलीस काही कृती करत नसल्यानेच जनतेला कृती करावी लागते !

‘बंगालमध्ये महिला डॉक्टर, तसेच परिचारिका यांच्या लैंगिक शोषणाच्या घटना थांबत नसल्याचे दिसून येत आहे. कोलकाता येथील राधा गोबिंद कर (आर्.जी. कर) मेडिकल कॉलेज आणि हॉस्पिटलमध्ये एका महिला डॉक्टरवर बलात्कार करून तिची हत्या करण्यात आली. या घटनेनंतर बीरभूम येथे रुग्णालयात भरती झालेल्या अब्बासउद्दीन नावाच्या रुग्णाने एका परिचारिकेचा विनयभंग केल्याची घटना घडली. त्यानंतर हावडा येथील रुग्णालयात एका १४ वर्षीय मुलीचे लैंगिक शोषण झाल्याची घटना समोर आली. आता उत्तर २४ परगणा येथे ७ वर्षांच्या एका अल्पवयीन मुलीचा लैंगिक छळ झाल्याची घटना समोर आली आहे. रोहांडा पंचायतीच्या राजभरी भागात ही घटना घडली. या घटनेनंतर संतप्त लोकांनी आरोपीच्या घरावर आक्रमण केले, तसेच त्याच्या नातेवाइकांची दुकानेही फोडली. पोलिसांनी आरोपीला अटक केली आहे.’ (५.९.२०२४)