छत्रपती संभाजीनगर – जिल्‍ह्यातील बदनापूरचे आमदार नारायण कुचे आणि त्‍यांच्‍या भावाने धमकी दिली आहे, असे चिठ्ठीवर लिहून मिलिंदनगर भागात एका आचार्‍याने गळफास घेतला. हा प्रकार ६ ऑगस्‍ट या दिवशी दुपारी २.४५ वाजण्‍याच्‍या सुमारास उघडकीस आला. जगदीश सुरभय्‍ये असे गळफास घेतलेल्‍या व्‍यक्‍तीचे नाव आहे. जगदीश हे आचारी होते.
जगदीश सुरभय्‍ये यांच्‍याकडे सापडलेल्‍या चिठ्ठीत म्‍हटले आहे की, ‘आमदार नारायण कुचे आणि त्‍यांचा भाऊ देविदास कुचे मला धमकी देत आहेत म्‍हणून मी आत्‍महत्‍या करत आहे.’ याविषयी उस्‍मानपुरा पोलीस ठाण्‍याचे पोलीस निरीक्षक सोमनाथ जाधव यांनी अन्‍वेषण चालू आहे, असे सांगितले. आमदार कुचे आणि त्‍यांचा भाऊ यांवर गुन्‍हा नोंदवण्‍याची मागणी माजी आमदार संतोष सांबरे यांनी केली.
याविषयी आमदार नारायण कुचे म्‍हणाले की, जगदीश सुरभय्‍ये यांच्‍या संपर्कात मी कधीही आलेलो नाही. या चिठ्ठीची सखोल चौकशी करावी, यासाठी मी आयुक्‍तांची भेट घेतली आहे.
राष्ट्रीय कीर्तनकार चारुदत्तबुवा आफळे यांचा पुणे येथे सन्मान !
‘पी.एम्.आर्.डी.ए.’मध्ये कामाच्या वेळेत भ्रमणभाष वापरण्यास बंदी ! – आयुक्तांचा निर्णय
अल्पवयीन मुलीवर लैंगिक अत्याचार करणार्या धर्मांधावर गुन्‍हा नोंद !
रुग्ण मतदारांसाठी विनामूल्य रुग्णवाहिका सेवा !
भाजपच्या उमेदवाराच्या बहिणीवर जीवघेणे आक्रमण !
वक्फ कायदा हा असंवैधानिकच ! – संजीव देशपांडे, ज्येष्ठ विधीज्ञ