Mohammad Arif  Arrested  For Accepting Bribe : कनिष्ठ पोलिसाकडून १८ सहस्र रुपयांची लाच घेतांना पोलीस निरीक्षक महंमद आरिफ याला रंगेहात अटक

उळ्ळाल (कर्नाटक) – कनिष्ठ पोलिसाकडून १८ सहस्र रुपयांची लाच घेणार्‍या महंमद आरिफ या पोलीस निरीक्षकाला मंगळुरू लोकायुक्त पोलिसांनी रंगेहात अटक केली. महंमद आरिफ याने चांगल्या ठिकाणी नियुक्ती करण्यासाठी २० सहस्र रुपये देण्यासह प्रतिमहा ६ सहस्र रुपये देण्याची मागणी केली होती. आतापर्यंत आरिफ याला प्रतिमास ६ सहस्र रुपये देण्यात येत होते. ५० सहस्रांहून अधिक रक्कम आरिफने आतापर्यंत घेतली होती.

कनिष्ठ पोलिसाचे वडील आजारी असल्याने ३ मासाचे १८ सहस्र रुपये त्याला आरिफला देता न आल्याने आरिफने त्याला दुसरीकडे नियुक्ती करण्याची धमकी दिली होती. यानंतर संबंधित पोलिसाने लोकायुक्त पोलिसांकडे तक्रार केली. त्यानंतर आरिफ याला कनिष्ठ पोलिसाकडून १८ सहस्र रुपये घेतांना अटक करण्यात आली.