China Stopped Pakistani Projects : आतंकवादी आक्रमणांमुळे चीनने पाकमधील ३ वीज प्रकल्पांचे काम थांबवले !

इस्लामाबाद (पाकिस्तान) – पाकिस्तानात चिनी अधिकार्‍यांवर सातत्याने होत असलेल्या आक्रमणांनंतर खैबर पख्तुनख्वामधील ३ प्रकल्पांवर काम करणार्‍या चीनच्या  आस्थापनांनी काम थांबवले आहे. याखेरीज चीन त्याच्या अनुमाने १ सहस्र ५०० नागरिकांना तेथून बाहेर काढत आहे. हे तीनही प्रकल्प ९ सहस्र ८६० मेगावॅट वीजनिर्मिती करणारे आहेत. पाकच्या शांगला जिल्ह्यात ३ दिवसांपूर्वी चिनी अभियंत्यांच्या बसवर झालेल्या आत्मघाती आक्रमणात चीनचे ५ अभियंते ठार झाले होते. मृत्यूच्या छायेखाली काम करता येत नसल्याचे अनेक कर्मचार्‍यांनी त्यांच्या वरिष्ठांना सांगितले. यानंतर चीनने वरील निर्णय घेतला.