Navy Rescued Iranian Ship : भारतीय नौदलाने समुद्री दरोडेखोरांपासून इराणच्या नौकेची केली सुटका !

नौकेवरील २३ पाकिस्तानी नागरिकांची सुटका

मुंबई – भारतीय नौदलाने अरबी समुद्रात इराणच्या नौकेला समुद्री दरोडेखोरांच्या  (चाच्यांच्या) कह्यातून यशस्वीरित्या सोडवले आहे. २१ घंट्यांच्या कारवाईनंतर हे यश मिळाले. विशेष म्हणजे या नौकेवर २३ पाकिस्तानी नागरिक होते.

नौदलाने दिलेल्या माहितीनुसार त्याला २८ मार्चच्या संध्याकाळी समुद्री चाच्यांनी इराणच्या मासेमारी करणार्‍या ‘अल कंबार ७८६’ या नौकेचे अपहरण केल्याची माहिती मिळाली होती. या माहितीच्या आधारे भारतीय नौदलाने ‘आय.एन्.एस्. सुमेध’ आणि ‘आय.एन्.एस्. त्रिशूल’ या २ युद्धनौका त्या नौकेच्या सुटकेसाठी पोचल्या.

२१ घंट्यांच्या कारवाईनंतर समुद्री चाच्यांनी भारतीय नौदलाकडे शरणागती पत्करली.