मुंबई – कल्याणला डोंबिवली आणि तळोजा औद्योगिक वसाहतीमार्गे नवी मुंबई मेट्रोशी जोडणार्‍या ‘मेट्रो-१२’ या उन्नत मार्गिकेचे भूमीपूजन मुख्यमंत्री एकनाथ शिंदे यांच्या हस्ते ३ मार्च या दिवशी झाले. मुंबई महानगर प्रदेश विकास प्राधिकरणाकडून (एम्.एम्.आर्.डी.ए.) या मार्गिकेची उभारणी केली जात आहे. आरेखन पालटामुळे या मार्गिकेला विलंब झाला आहे.
कल्याण ते नवी मुंबईतील अमनदूत या २२.१७३ कि.मी. लांबीच्या मार्गावर १९ स्थानके असतील. ही मार्गिका प्रारंभी कल्याणच्या कृषी उत्पन्न बाजार समितीपासून ते तळोजापर्यंत होती. मात्र तळोजापासून चार कि.मी. अंतरावर नवी मुंबई मेट्रोचे पेनधर हे अखेरचे स्थानक आहे. अमनदूत ते पेनधर मेट्रो स्थानक हे अंतर जेमतेम १०० मीटर असेल.
१. ‘मेट्रो-१२’ ही मार्गिका कल्याण कृषी उत्पन्न बाजार समिती, मेट्रो स्थानकाजवळ ठाणे-कल्याण ‘मेट्रो-५’शी जोडली जाणार आहे.
२. ‘मेट्रो-५’ ही मार्गिका ठाणे-घाटकोपर-वडाळा या ‘मेट्रो-४’ शी संलग्न आहे.
३. उत्तर ते दक्षिण अशा एकूण १३ मेट्रो मार्गिकांशी ‘मेट्रो-१२३ संलग्न असेल.
कल्याण, बाजार समिती, गणेशनगर, पिसवली गाव, गोळवली, डोंबिवली एम्.आय.डी.सी., सागांव, सोनारपाडा, मानपाडा, हेदूटणे, कोळेगाव, निळजे गाव, वडवली (खुर्द), बाले, वाकलान, तुर्भे, पिसार्वे डेपो, पिसार्वे आणि अमनदूत ही ‘मेट्रो-१२’ची स्थानके असून ही मार्गिका ३० डिसेंबर २०२७ पर्यंत पूर्ण होण्याची शक्यता आहे.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !