श्री सरस्वतीदेवीचा अपूर्व कोष !

अपूर्वः कोऽपि कोशोऽयं विद्यते तव भारति ।
ययतो वृद्धिमायाति क्षयमायाति सञ्चयात् ।।

अर्थ : हे सरस्वतीदेवी, तुझा हा कोणता बरे अपूर्व कोष (ज्ञान) आहे, जो व्यय केला असता वाढतो आणि संचय केला असता क्षीण होतो ?

विवरण : ज्ञान हे इतरांना दिल्याने वाढते आणि ज्ञान घेण्याची इच्छा असणार्‍यांना ते न दिल्याने ज्ञानाचा लय होतो. ज्ञानाचा अपव्यय होऊ देऊ नका. ज्ञान देऊन अज्ञानांना ज्ञानी बनवा.