छत्रपती संभाजीनगर येथील घृष्णेश्‍वर मंदिराबाहेरील पिंडीजवळ व्यापार्‍याचे अतिक्रमण !

दुकान हटवण्याची भाविकांची मागणी !

छत्रपती संभाजीनगर – वेरूळ येथील घृष्णेश्‍वर मंदिराच्या प्रवेशद्वाराच्या उजव्या बाजूला एक महादेवाची पिंड आहे. भाविक या पिंडीचे दर्शन घेतात; परंतु एका स्थानिक व्यापार्‍याने पिंडीच्या बाजूला अतिक्रमण करून दुकान थाटले आहे. त्यामुळे भाविकांना पिंडीचे दर्शन घेण्यास अडचण निर्माण होत आहे. त्यामुळे ‘मंदिर विश्‍वस्तांनी हे दुकान हटवावे’, अशी मागणी भाविकांकडून केली जात आहे.