‘२२.२.२०२० या दिवसापासून मला पुष्‍कळ ताप येत होता; म्‍हणून मी खोलीत झोपले होते. मला पुष्‍कळ ग्‍लानी आणि थकवा होता. त्‍यानंतर २३.२.२०२० या दिवशी दुपारी मी अर्धवट झोपेत होते. तेव्‍हा प्रत्‍यक्षात माझे डोळे उघडत नव्‍हते आणि मला झोपही लागत नव्‍हती. मी अशा स्‍थितीत असतांना माझ्‍याकडून आपोआपच इंद्रियांची मानसशुद्धी होऊ लागली.
त्या वेळी मला अकस्‍मात् पुढील दृश्‍य दिसले, ‘एक मोठे मैदान आहे. तेथे परात्‍पर गुरु डॉ. आठवले आले आहेत. तेव्‍हा माझ्‍या देहातील आत्‍मा शरिरातील सर्व इंद्रियांना परात्‍पर गुरु डॉक्‍टरांकडे येण्‍यासाठी सांगत आहे. माझ्‍या शरिरातील पांढर्‍या आणि लाल पेशी, डोळे, कान, जीभ अन् हात-पाय, तसेच हाडे, मांस, रक्‍त, सर्व रक्‍तवाहिन्‍या, तसेच माझे स्‍वभावदोष आणि गुण आदी सर्व जण एकेक करून परात्‍पर गुरु डॉक्‍टरांच्‍या समोर येऊन बसले आहेत. त्या वेळी माझ्‍या देहातील आत्‍मा परात्‍पर गुरुदेवांना म्‍हणाला, ‘आम्‍ही सर्व जण तुमच्‍याकडे आलो आहोत. आम्‍हाला शुद्ध व्‍हायचे आहे. आम्‍हाला तुम्‍हाला अपेक्षित असे घडायचे आहे.’ तेव्‍हा परात्‍पर गुरु डॉक्‍टर हसले आणि म्‍हणाले, ‘तुम्‍ही सर्व जण आलात; पण जे तुमच्‍यामध्‍ये मुख्‍य अडथळा आणतात, ते आलेले नाहीत.’ तेव्‍हा आत्‍म्‍याला प्रश्‍न पडला, ‘कोण ?’ त्या वेळी ‘बुद्धी, अंतर्मन, बाह्यमन अन् अहं आलेलेच नाहीत’, हे त्‍याच्‍या लक्षात आले. तेव्‍हा आत्‍म्‍याने परात्‍पर गुरु डॉक्‍टरांची क्षमा मागितली आणि तो त्या सर्वांना घेऊन जाण्‍यासाठी निघाला. त्या वेळी आत्‍मा प्रथम अहंकडे गेला आणि त्‍याला म्‍हणाला, ‘परात्‍पर गुरु डॉक्‍टर आले आहेत. त्‍यांचे दर्शन घेण्‍यासाठी तू चल. आपल्‍याला आता शुद्ध व्‍हायचे आहे.’ त्या वेळी अहं काही केल्‍या ऐकायला सिद्ध नव्‍हता. आत्‍मा त्‍याची पुष्‍कळ समजूत काढत होता; पण तो काही सिद्ध होत नव्‍हता. मग आत्‍मा मनाकडे गेला. त्‍याने मनाला परात्‍पर गुरु डॉक्‍टरांकडे येण्‍यासाठी विनंती केली. तेव्‍हा अंतर्मन आणि बाह्यमन आत्‍म्‍याला म्‍हणाले, ‘आम्‍ही येणारच होतो; पण या अहंने आम्‍हाला जाण्‍यास मनाई केली; म्‍हणून आम्‍ही आलो नाही. आता आम्‍ही येतो.’’ त्‍यानंतर आत्‍मा बुद्धीकडे गेला आणि त्‍याने बुद्धीला सांगितले, ‘परात्‍पर गुरु डॉक्‍टर आले आहेत. तू चल. तुला ‘सात्त्विक बुद्धी’ व्‍हायचे आहे ना ? आपण परात्‍पर गुरुदेवांना शरण जाऊन शुद्ध होऊया.’ तेव्‍ही बुद्धी म्‍हणाली, ‘मी येण्‍यासाठी सिद्धच होते; पण या अहंने मला अडवले; म्‍हणून मी थांबले.’ त्‍यानंतर आत्‍मा आणि बुद्धी दोघे मिळून अहंकडे गेले अन् त्‍याला म्‍हणाले, ‘तू परात्‍पर गुरुदेवांकडे चल. आपल्‍यातील हट्टामुळे आपल्‍या अनेक जन्‍मांची हानी झाली आहे. आता आपल्‍याला माघार घेऊन परात्‍पर गुरुदेवांच्‍या चरणी शरण जाऊन आणि त्‍यांना अपेक्षित असे घडून या जन्‍माचे सार्थक करून घ्‍यायचे आहे.’ असे समजावून सांगितल्‍यावर अहं यायला सिद्ध झाला. त्‍यानंतर ते सर्व जण परात्‍पर गुरु डॉक्‍टरांकडे गेले आणि त्‍यांच्‍या समोर एका रांगेत बसले.
तेव्‍हा परात्‍पर गुरुदेवांनी त्‍यांच्‍याकडे पाहून स्‍मितहास्‍य केले. त्या वेळी आत्‍मा परात्‍पर गुरुदेवांना म्‍हणाला, ‘आम्‍ही सर्व जण तुम्‍हाला शरण आलो आहोत. तुम्‍ही आम्‍हाला शुद्ध करा. आम्‍हा सर्वांना तुम्‍हाला अपेक्षित असे घडायचे आहे. तुम्‍ही आम्‍हाला घडवा.’ त्या वेळी सर्व जण (मन, बुद्धी, अंतर्मन, बाह्यमन आणि अहं अन् सर्व इंद्रिये) परात्‍पर गुरुदेवांच्‍या चरणी लीन झाले. तेव्‍हा ‘परात्‍पर गुरु डॉक्‍टर सर्वांकडे पाहून हसून आशीर्वाद देत आहेत’, असे मला जाणवले.’
काही वेळाने ‘मी एका वाटेने चालत आहे’, असे मला दिसले. तेव्‍हा माझ्‍या पाठीमागून प.पू. भक्‍तराज महाराज यांची गाडी आल्‍याचे मला जाणवले. तेव्‍हा मी चालत असलेले पाहून प.पू. भक्‍तराज महाराज (प.पू. बाबा) यांनी गाडी थांबवली आणि मला गाडीत घेतले (बसवले). तेव्‍हा प.पू. बाबा आणि इतर भक्‍त माझ्‍या समवेत माझ्‍या घरी आल्‍याचे मला जाणवले. त्या वेळी आमच्‍या घरी प.पू. भक्‍तराज महाराज यांच्या भजनांचा कार्यक्रम झाल्‍याचे मला जाणवले. त्‍यानंतर माझी ग्‍लानी आणि थकवा एकदम न्‍यून होऊन मला पुष्‍कळ हलकेपणा जाणवू लागला. ‘मी आजारी असून झोपून आहे’, असे मला जाणवत नव्‍हते. त्‍यानंतर मी आवरून सेवेलाही गेले.
या आधी अशा प्रकारे इंद्रियांची मानसशुद्धी मी करू शकत नव्‍हते; पण ‘परात्‍पर गुरुदेवांनी माझ्‍याकडून इंद्रियांची मानसशुद्धी करवून घेतली’, याबद्दल मी त्‍यांच्‍या चरणी कृतज्ञता व्‍यक्‍त करते.’
– कु. सविता जाधव, सनातन आश्रम, देवद, पनवेल. (२३.२.२०२०)
|
सद्गुरु डॉ. मुकुल गाडगीळ यांनी सांगितलेले नामजपादी उपाय करून तीव्र आध्यात्मिक त्रासावर मात करणार्या कु. मधुरा चतुर्भुज !
रामनाथी (गोवा) येथील सनातनच्या आश्रमात आल्यावर सेवेच्या माध्यमातून स्वतःत पालट करणारा चेन्नई येथील श्री. हिमनीश बालाजी कोल्ला !
पू. भगवंत मेनरायकाका (वय ८५ वर्षे) यांच्या सेवेसाठी गेल्यावर लक्षात आलेली सूत्रे आणि आलेली अनुभूती
रामनाथी, गोवा येथील सनातनच्या आश्रमात ‘साधकत्व वृद्धी’ शिबिरात सहभागी झालेल्या धर्मप्रेमींना आलेल्या अनुभूती
‘सच्चिदानंद परब्रह्म डॉ. आठवले यांचे ‘वयाच्या ८० व्या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती
कर्करोगासारख्या दुर्धर आजाराला स्थिर राहून सामोरे जाणारे देवद, पनवेल येथील कै. प्रभाकर भालचंद्र प्रभुदेसाई !