खालापूर – इरशाळवाडी दुर्घटनेत आतापर्यंत २४ जणांचा मृत्यू झाला आहे. अजूनही ८६ जण बेपत्ता आहेत. प्रशासनाकडून बचावकार्य चालू आहे. मातीच्या ढिगार्‍याखाली आणखी किती जण आहेत, याचा आकडा सांगणे कठीण असल्याचे अपर पोलीस अधीक्षक अतुल झेंडे यांनी सांगितले. ‘नढाळ येथे मृतांच्या नातेवाइकांना ठेवले आहे. त्यांना सुरक्षित ठिकाणी हालवण्यासाठी जिल्हाधिकार्‍यांच्या सूचनेनुसार पुढील काम केले जाईल. हे बचावकार्य आणखी किती दिवस पार पाडायचे आहे, हे वरिष्ठांच्या आदेशानुसार निर्णय घेतला जाईल’, असेही त्यांनी सांगितले.
#खालापूर जवळील #इर्शाळवाडी या दुर्घटनाग्रस्त सुरू असलेल्या मदतकार्य सुरु आहे..
दुःखाचा भार मोठा आहे आणि हा भर पेलण्याची शक्ती परमेश्वर आपणास देवो, रायगड पोलीस दल आपल्या दुःखात सहभागी आहे.. pic.twitter.com/ROlfCKDnn7— रायगड पोलीस-Raigad Police (@RaigadPolice) July 22, 2023
इरशाळवाडी येथे परिसरात दुर्गंधी येत आहे. दुर्गंधीमुळे रोगराई पसरू नये, यासाठी परिसरात औषध फवारणी करण्यात आली आहे.
इरशाळवाडी दुर्घटनेत बचावलेल्या मुलांचे पालकत्व मुख्यमंत्र्यांनी स्वीकारले !
इरशाळवाडी दुर्घटनेत बचावलेल्या मुलांचे पालकत्व मुख्यमंत्री एकनाथ शिंदे यांनी स्वीकारले आहे. विधान परिषद उपसभापती डॉ. नीलम गोर्‍हेे यांनी नढाळ येथे दुर्घटनेतील पीडितांच्या तात्पुरत्या निवारा केंद्राला भेट देऊन त्यांचे सांत्वन केले. या वेळी मुख्यमंत्री एकनाथ शिंदे यांच्या वतीने त्यांनी पालकत्व स्वीकारल्याचे जाहीर केले. इरशाळवाडीमध्ये १ ते १८ वर्षे वयोगटापर्यंतची ३१ मुले आहेत. त्यापैकी २१ मुले आश्रमशाळेत शिक्षण घेत आहेत. ही मुले १८ वर्षांची होईपर्यंत त्यांचे शिक्षण, पालनपोषण आणि आवश्यक त्या सर्व गरजा पूर्ण करण्यात येणार आहेत.
#इरशाळवाडी दुर्घटनेतील अनाथ मुलांचे मुख्यमंत्री @mieknathshinde यांनी पालकत्व स्वीकारले आहे. येथे १ ते १८ वयोगटातील ३१ मुले असून यातील २१ जण आश्रमशाळेत शिक्षण घेत आहेत. शंभर टक्के पुनर्वसन होईपर्यंत येथे मदत कार्य सुरू राहील – विधान परिषदेच्या उपसभापती डॉ. @neelamgorhe pic.twitter.com/XrWH4SyZJx
— DIVISIONAL INFORMATION OFFICE, KONKAN (@InfoDivKonkan) July 22, 2023
याआधीही मुख्यमंत्री शिंदे यांनी वर्ष २०२० मध्ये महाड येथील तारिक गार्डन इमारत दुर्घटनेत बचावलेली दोन लहान बालके आणि वर्ष २०२१ मध्ये पालघर येथील रोजगाराअभावी आत्महत्या केलेल्या कामगार दांपत्यांच्या २ मुलांचे पालकत्व स्वीकारले होते.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !