ऋषिकेश (उत्तराखंड) – उत्तराखंडमधील चारधाम यात्रेला २२ एप्रिल, म्हणजेच अक्षय्य तृतीयेपासून प्रारंभ झाला. २१ एप्रिलपर्यंत यात्रेसाठी १६ लाख भाविकांनी नोंदणी केली आहे. गंगोत्री धामचे दरवाजे दुपारी १२.३५ वाजता, तर यमुनोत्री धामचे दरवाजे दुपारी १२.४१ वाजता उघडण्यात आले. केदारनाथ धामचे दरवाजे २५ एप्रिल, तर बद्रीनाथ धामचे दरवाजे २७ एप्रिल या दिवशी उघडले जातील.
उत्तराखंड शासनाने मोजक्याच संख्येने यात्रेकरूंना भेट देण्यावरील बंदी उठवली आहे. भाविकांची ऑनलाईन आणि ऑफलाईन नोंदणी चालू रहाणार आहे.
#Uttarakhand: #CharDham Yatra begins with opening of portals of Gangotri and Yamunotri on #AkshayTritiya.
Chief Minister @pushkardhami remains present on this occasion.#CharDhamYatra2023 pic.twitter.com/mWGeK1hcQH
— All India Radio News (@airnewsalerts) April 22, 2023
प्रत्येक भाविकाचा सुरक्षित प्रवास, हे राज्यशासनाचे दायित्व ! – मुख्यमंत्री धामी भाजपशासित उत्तराखंडचे मुख्यमंत्री पुष्कर सिंह धामी यांनी सांगितले की, २१ एप्रिलला ऋषिकेश येथून चारधाम यात्रेचे औपचारिक उद्घाटन करण्यात आले आहे. प्रत्येक भाविकाचा सुरक्षित प्रवास, हे राज्यशासनाचे दायित्व आहे. आम्ही भाविकांसाठी सर्व प्रकारच्या सुविधा उपलब्ध केल्या आहेत. भारत आणि परदेशातून येणार्‍या प्रत्येक भाविकाचा प्रवास सुरक्षित असेल अन् प्रत्येकाला यात्रेत सहभागी होण्याची संधी मिळेल, याकडे सरकार लक्ष देईल. |
मुसलमान तरुणाने हिंदु असल्याचे भासवून अल्पवयीन हिंदु मुलीला अडकवले प्रेमाच्या जाळ्यात !
१७ मे या दिवशी शिवाजी पार्कवर होणार नरेंद्र मोदी यांची सभा !
दूध घातलेला चहा किंवा कॉफी पिणे टाळा !
आता ‘कोवॅक्सिन’ लसीचेही दुष्परिणाम समोर !
जून २०२४ पासून मुंबई विद्यापिठात मंदिर व्यवस्थापनाचा अभ्यासक्रम चालू होणार !
देशात ‘एन्.डी.ए.’ला चांगले वातावरण असून ४०० पेक्षा अधिक जागांवर यश मिळेल ! – चंद्राबाबू नायडू