शहादा (जिल्‍हा नंदुरबार) येथील भाजपचे आमदार राजेश पाडवी यांचे मुख्‍यमंत्र्यांना निवेदन
मुंबई, ७ जानेवारी (वार्ता.) – श्री तुळजाभवानी मंदिरातील कोट्यवधी रुपयांच्‍या भ्रष्‍टाचाराच्‍या चौकशीचे प्रकरण बंद करण्‍यात आल्‍याची माहिती समोर आली आहे. हे प्रकरण न्‍यायालय आणि विधीमंडळ यांचा अवमान करणारे आहे, त्‍यामुळे सदर प्रकरणाची चौकशी बंद करण्‍याचा निर्णय मागे घ्‍यावा, तसेच मंदिरात भ्रष्‍टाचार करणार्‍या दोषींवर ‘सीआयडी’च्‍या अहवालानुसार गुन्‍हे नोंद करा, अशी मागणी शहादा (जिल्‍हा नंदुरबार) येथील भाजपचे आमदार राजेश पाडवी यांनी मुख्‍यमंत्र्यांकडे निवेदनाद्वारे केली आहे.
महाराष्‍ट्राची कुलस्‍वामिनी असणार्‍या श्री तुळजाभवानी मंदिरात वर्ष १९९१ ते २००९ या काळात ८ कोटी ४५ लाख १७ सहस्र रुपयांचा दानपेटी घोटाळा करणारे लिलावदार, ५ तहसीलदार आणि अन्‍य २ यांच्‍यावर गुन्‍हे नोंद करण्‍याची महत्त्वपूर्ण शिफारस राज्‍य गुन्‍हे अन्‍वेषण विभागाने गृह विभागाला केली होती. विधीमंडळ आणि न्‍यायालय यांची दोषींवर कारवाई करावी, असे आदेश असतांना गृह विभागाच्‍या उपसचिवांनी १५ जून २०२२ या दिवशी सदर चौकशी बंद करण्‍याचा धक्‍कादायक निर्णय घेतला आहे. हा निर्णय विधीमंडळ, तसेच चौकशीवर देखरेख करणार्‍या उच्‍च न्‍यायालय यांचा अवमान आहे, असेही निवेदनात म्‍हटले आहे.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !