सूरत (गुजरात) येथे पाकसाठी हेरगिरी करणार्‍याला अटक

नवी देहली – गुजरात पोलिसांनी सूरत येथून पाकची गुप्तचर संस्था आय.एस्.आय.साठी हेरगिरी करणार्‍या दीपक किशोरभाई साळुंखे या ३३ वर्षीय व्यक्तीला अटक केली आहे. भारतीय सैन्याच्या पुण्यातील दक्षिण कमांडकडून मिळालेल्या गोपनीय माहितीच्या आधारे त्याला अटक करण्यात आली.

दीपक सूरत येथील भुवनेश्‍वरी भागात रहातो आणि त्याचे कपड्यांचे दुकान आहे. तो पाकमधील त्याचे प्रमुख हामीद आणि काशिफ यांच्या संपर्कात होता. तो त्यांना गोपनीय माहिती पुरवत होता.