‘भाववृद्धी सत्संगांच्या माध्यमातून आपत्काळाच्या दृष्टीने साधकांची मानसिक आणि आध्यात्मिक स्तरांवरील सिद्धता करून घेण्यात येते. त्या अनुषंगाने माझी झालेली विचारप्रक्रिया पुढे दिली आहे.
१. ‘वाईट शक्तींचा सामना कसा करायचा ?’, याविषयी परात्पर गुरुदेवांनी अमूल्य मार्गदर्शन करणे आणि त्यातून शिकून सहस्रो साधक वाईट शक्तींशी सूक्ष्मातून अविरत लढा देत असणे
सनातन संस्था करत असलेल्या चांगल्या कार्याला विरोध करण्यासाठी अनुमाने वर्ष २००१ पासून वाईट शक्तींनी सनातनच्या साधकांना मोठ्या प्रमाणात त्रास देण्यास आरंभ केला. सनातनच्या साधकांना ‘वाईट शक्तींचे विश्व’ नवीनच होते. परात्पर गुरुदेवांनी (परात्पर गुरु डॉ. आठवले यांनी) साधकांना ‘वाईट शक्तींशी कसे लढावे ? नामजपादी उपाय कसे करावेत ?’, हे शिकवून त्यांना स्वावलंबी बनवले, तसेच त्याविषयी वेळोवेळी अमूल्य मार्गदर्शनही केले. त्यांच्या कृपेमुळेच सनातनचे सहस्रो साधक वाईट शक्तींना न घाबरता आजही त्यांच्याशी सूक्ष्मातून अविरत लढा देत आहेत. सनातनचे वाचक, तसेच हितचिंतकही आता त्यांना होत असणार्‍या विविध त्रासांवर नामजपादी उपाय करत आहेत.
२. सनातन संस्थेवर येऊ घातलेल्या संभाव्य बंदीच्या संकटात गुरुदेवांनी साधकांची शारीरिक, मानसिक आणि आध्यात्मिक स्तरांवर सिद्धता करून घेणे अन् साधक संभाव्य बंदीच्या संकटाला सामोरे जाण्यासाठी चांगल्या प्रकारे सिद्ध होणे
वर्ष २००९ मध्ये सनातन संस्थेवर संभाव्य बंदीचे संकट आले होते. तेव्हा परात्पर गुरु डॉ. आठवले यांनी विविध प्रकारे मार्गदर्शन करून बंदीच्या दृष्टीने साधकांची शारीरिक, मानसिक आणि आध्यात्मिक स्तरांवर सिद्धता करून घेतली होती. प्रारंभीच्या काळात साधकांना थोडी भीती किंवा ताण जाणवत होता; पण नंतर गुरुदेवांच्या कृपेमुळेच साधक संभाव्य बंदीच्या संकटाला धैर्याने सामोरे जाण्यास चांगल्या प्रकारे सिद्ध झाले होते.
३. भाववृद्धी सत्संगांत केल्या जाणार्‍या मार्गदर्शनातून गुरुदेवांनीच साधकांची आपत्काळाचा सामना करण्यासाठी सिद्धता करून घेणे
आता तर आपल्याला आपत्काळाचा सामना करायचा आहे; पण त्याही परिस्थितीत ‘माझ्या साधकांना त्रास होऊ नये’, असा विचार करून साधकांना तारणारी गुरुमाऊली आपल्याला लाभली आहे. ‘कोणतेही संकट कितीही मोठ्या स्वरूपात आले, तरी सिद्धतेच्या दृष्टीने साधकांनी काय काळजी घ्यायची ? देवाचे साहाय्य कसे घ्यायचे ? श्रद्धेच्या जोरावर भीषण आपत्काळाचा सामना कसा करायचा, तसेच पंचमहाभूतांच्या माध्यमातून येणार्‍या संकटांना सामोरे कसे जायचे’, या दृष्टीने ‘गुरुदेवच या भाववृद्धी सत्संगांच्या माध्यमातून साधकांना अनमोल मार्गदर्शन करत आहेत’, असे जाणवते. भाववृद्धी सत्संग ऐकतांना साधकांचे मनोबल वाढते. साधकांना वाटणारी काळजी, भीती आणि ताणही न्यून होतो, याचा अनुभव अनेक साधकांनी घेतला आहे.
४. कृतज्ञता !
आतापर्यंत अनेक संकटांचा सामना करत परात्पर गुरुदेवांनी सनातनच्या साधकांना प्रत्येक वेळी बळ देऊन जीवनदान दिले आहे. आपत्काळातही केवळ गुरुदेवांच्या कृपेमुळेच साधकांचे रक्षण होणारच आहे. प्रत्येक क्षणी साधकांना फुलासारखे जपणार्‍या आणि वीरवृत्तीने सामना करायला शिकवणार्‍या परात्पर गुरु डॉ. आठवले यांच्या चरणी कोटीशः कृतज्ञता !’
– सौ. नम्रता दिवेकर, सनातन आश्रम, देवद, पनवेल. (१७.७.२०२१)
|
बालवयातील मुलांसारखे हे बुद्धीप्रामाण्यवादी !
नाशिक येथील श्री. अनिल पाटील यांना चित्तशुद्धीच्या संदर्भात लक्षात आलेली सूत्रे !
समंजस आणि सेवेची आवड असलेली ६१ टक्के आध्यात्मिक पातळीची फोंडा, गोवा येथील कु. सान्वी लोटलीकर (वय ९ वर्षे) !
लुधियाना, पंजाब येथील सौ. माधवी शर्मा यांच्याविषयी त्यांचे यजमान श्री. प्रमोद शर्मा यांना जाणवलेली सूत्रे
रामनाथी (गोवा) येथील सनातनच्या आश्रमातील सौ. राधा गावडे (वय ५० वर्षे) आणि फोंडा (गोवा) येथील श्रीमती अंजली कुलकर्णी (वय ७४ वर्षे) यांनी गाठली ६१ टक्के आध्यात्मिक पातळी !
सच्चिदानंद परब्रह्म डॉ. आठवले यांच्या ब्रह्मोत्सवाच्या वेळी सिंधुदुर्ग जिल्ह्यातील साधकांना आलेल्या अनुभूती !