गाझियाबाद (उत्तरप्रदेश) येथे रस्त्यावर नमाजपठण केल्यावरून गुन्हा नोंद

गाझियाबाद (उत्तरप्रदेश) – येथील टीला मोड भागात ११ नोव्हेंबला दुपारी रस्त्यावर नमाजपठण केल्यावरून गुन्हा नोंदवण्यात आला आहे. येथील गौसिया मशिदीमध्ये पुरेशी जागा नसल्याने रस्त्यावर नमाजपठण करण्यात आल्याचे सांगण्यात आले. या वेळी येथून ये-जा करणार्‍यांनी नमाजपठणाचा व्हिडिओ सामाजिक माध्यमांतून प्रसारित केल्यावर पोलिसांनी अज्ञातांच्या विरोधात गुन्हा नोंदवला.

(सौजन्य : Arth Parkash TV) 

काही दिवसांपूर्वी गाझियाबादच्याच खोडा कॉलनीमध्ये उघड्यावर नमाजपठण केल्यावरून पोलिसांनी मशिदीच्या इमामाच्या विरोधात गुन्हा नोंदवला होता. उत्तरप्रदेश सरकारने रस्त्यावर नमाजपठण करण्यावर बंदी घातली आहे.